【帶著小B去旅行!暢遊大阪海遊館~探索海洋世界】

【帶著小B去旅行!暢遊大阪海遊館~探索海洋世界】

Bloggers 專欄
By 傑。斯與晴 on 10 Nov 2017

今次帶著小B遊大阪既旅程話咁快又完結左,呢一次既旅程雖然遇上颱風,攪到有好多地方都去唔到,同時亦要Delay行程,比原定時間遲左一日先返到香港,但旅程中見證著小JM既成長點滴,可謂此刻無價!

因為打風既關係,行程有所改變,但仍然帶左小JM去海遊館、Legoland、EXPO City等,小JM都玩到樂而忘返,見到小JM咁開心,媽媽同爸爸都好滿足呀。一提起大阪,我諗好多人都會諗起購物、美食同美景。

無錯!當地真係有好多大小唔同既100 YEN店、Outlet同藥妝店,除左呢啲之外,大阪仲有好多岩晒一家大細去既景點架,真係多到有排都玩唔晒添架!除左購物同景點,當然唔少得既就係大阪既美食啦,有幾個市場真係非去不可架!緊係啦,話晒大阪都係日本第二大既港口城市呀嘛,仲係日本東西行既交通樞紐添,所以去玩都一樣好方便架!

今次既旅程主要都係市內,車程唔算太耐,所以都無租到車,爸爸今次可以放輕鬆一齊玩啦!接住落來就會為大家一一介紹一啲好去處,希望你地有機會都可以帶小B一齊去睇、去玩、去放電啦!

係出發之前有一件好重要既事要做!就係。買。Day Pass!

Day Pass小簡介
Day Pass分兩種:「一日劵」及「兩日劵
可以按行程需要而選購岩用既Day Pass喔!

一日劵。1 Day Pass (2,500 YEN)
可以自由搭乘大阪市營地鐵 、新電車、所有路線既巴士以及大阪市區既阪急、阪神、京阪、近鐵和南海電鐵。

兩日劵。2 Day Pass (3,300 YEN)
可以連續兩日自由搭乘大阪市營地鐵 、新電車、所有路線既巴士以及大阪市區既阪急、阪神、京阪、近鐵和南海電鐵。
*小提示:
- Day Pass係無兒童版架,三歲以下既小B們都係唔需要買飛架!
- Day Pass唔可由南海國際機場站開始使用喔!
- Day Pass 既使用時間會以當日首班車及尾班車作準,而唔係以時間為限,所以並非啟用後既24小時或48小時喔,要多注意喔!
- 購買Day Pass會有一個Kit set,內裏仲附有一本指南手冊及一套優惠喔!

超值Day Pass優惠:
- 可免費使用指定設施
- 可以免費乘搭指定路線
- 可享指定店鋪購物優惠
- 可以用優惠價享用設施
- 可享醫療服務

就今次既行程而言,我地買左「一日劵」1-Day Pass。用左1-Day Pass原來去海遊館同Legoland都一樣會有優惠架!
海遊館優惠: 每位成人獲得100YEN 減免。好啦,事不宜遲,出發去「海遊館」!

海遊館小簡介:
海遊館於1990年開立,座落於大阪府大阪市港區既天保山港灣村。隔離就有一個Shopping Mall,睇完去食野買野都一樣好方便,而Legoland都係呢個shopping mall入面,近近地又可以多一個放電既好地方!

海遊館係一個以「環太平洋火山帶」及「環太平洋生命帶」為主題既海洋展覽館。館內設有15個以上既大水槽,而最大既足足有成5400立方公尺添!
唔單止咁,海遊館入面仲有被指為世界上最大體型既魚 - 鯨鯊!館內除左有多個不同品種既魚類之外,仲有海豹、企鵝、水瀨、水母等既生物添!

係海遊館內設有體驗館,唔單止可以用眼去「睇」,仲可以用手去「摸」、去零距離「接觸」魔鬼魚同鯊魚添,只要你夠膽就可以架啦!

海遊館資料:
地址: 港區海岸通1-1-10
開放時間: 10:00~20:00 (最終入場至結束前1小時)(根據季節會有所變動)
入場收費: 16歲以上 2,300YEN@
3歲以下免費
Day Pass每位成人門票折價100日圓
*只限於售票窗口以現金方式購買使用*

2297_1509981959AJMy
雖然小JM係海馬公園已經見過海豹,但今次見到咁多又咁近距離真係第一次。海豹們仲不停係小JM眼前游走,小JM睇到不亦樂乎。
2297_1509981941Cpti

除左海豹仲有好跳紮紮既海豚們,小JM見到海豚不停跳躍出水面都覺得好驚訝。小JM見到海豚係度玩籃球,仲話海豚係打波添!

2297_1509981941Cpti
>來到海游館又點少得去探下全館最巨型既「你」呢!可惜小JM見到鯨鯊龐大身影就已經表示「驚驚」,可能係小JM印象中既「魚魚」係應該比佢還細先岩啦。
小JM除左怕鯨鯊之外,仲怕「佢」!
2297_1509981955pU8z
上面條魚個樣又真係幾怪,媽媽都覺得條魚有啲怪。記憶中有幾條相同既魚係躲藏係水中既機幹附近架,真係少啲眼力都睇佢唔到呀。

館內除左魚之外仲有企鵝!

2297_1509981943xGg0
不單止館內可以睇到企鵝們,係體驗館都一樣可以,仲係近距離觀看添呀!

體驗館內除左有企鵝仲有得觸摸魟魚同鯊魚添架!但就要係觸摸之前做好清潔,要先清洗雙手!另外要好好好遵從體驗館既守則架!

2297_1509981946KjRE

大、小JM一齊親親魟魚呀!(媽媽就唔係好夠膽啦。)

體驗館守則:
1.)必須洗手
2.)只能夠觸換指定部位
3.)不要觸摸魚鰭、魚尾或魚既口部
4.)觸摸時要輕輕力
5.)不要攀爬
做個守規則既乖寶寶,咁就自然玩得安全又放心啦!

2297_1509981949pyGf

一齊去片睇下海遊館有咩睇!將影片濃縮成5分鐘,由小JM帶你走一轉海遊館啦!

80後情人節媽媽與元宵節寶寶。 前Playgroup導師、現職Marketing Firm既新手在職媽媽。 喜歡細數生活中與小JM既點滴動人時光,紀錄及分享育兒既小心得、幼兒食譜分享、親子旅行及購物分享。
Share to Facebook