【別把他們當成大人!姊姊、哥哥其實都只是小孩而已】

【別把他們當成大人!姊姊、哥哥其實都只是小孩而已】

Bloggers 專欄
By 嶠媽 on 07 Dec 2017

今次想分享嘅應該係成日會發生係好多家庭入面,就係常常將姊姊或哥哥當左係大人。點解咁講呢?好似弟弟/妹妹出世前,爸爸、媽媽、長輩們都會不停向佢地灌輸一些知識。就是第時要錫弟弟呀,唔可以打弟弟。到佢地頑皮個陣,就會話你就來做姊姊啦,係咪咁都唔乖?到出左世,這種觀念更嚴重,繼續灌輸上面嘅知識。其實一個兩歲半的小孩,佢地都仲好需要爸媽嘅愛錫,我地其實難免會忽略左姊姊嘅感受,好似弟弟出左世,爸媽就圍住左佢轉。

image3

又例如病啦,姊姊生病,之後佢地唔識得話唔好係咁哄住個細嘅,弟弟會好易被傳染,跟住一齊病。然後,矛頭直接姊姊,都是姊姊的錯?當弟弟因為病左唔舒服好扭計,然後姊姊又唔知係到扭什麼,姊姊的下場會係被爆、被罵:「點解你唔可以乖一點?」但冷靜後又會諗,其實姊姊只有兩歲半,她在病時可能扭計都是想我們關心一下。但每次想到是因為姊姊,弟弟才病,然後姊姊又扭計,就通常都會控制唔到情緒。

image2

另外就係,兩姊弟在玩,姊姊都會莫明地興奮,然後失控,又大叫又大笑,有時唔知點樣個頭又會撞左落弟弟到,之後換來嘅當然又係被罵囉。其實諗深一層,姊姊都只是興奮過頭,所以控制唔到,我諗小朋友無論咩階段,有得玩都會比較失控。但爸媽又唔會諗到這些,那一刻只會覺得是姊姊的錯。

image4

其實好多時兄弟姊妹可能只是相差一至三年,其實三歲的小朋友都是年紀很小,但就是因為弟妹嘅出生,他們被迫成為大姐姐/大哥哥。我有時冷靜想想,我都覺得姊姊其實是很慘的,因為她被弟弟分薄了爸媽的愛,當弟弟有事時,被罵的又是姊姊,媽媽心情不好,姊姊扭計,又是姊姊的錯。所以我們即使是心情不好,式弟弟扭計時,希望不要只怪姊姊,要多想想其實姊姊都只是小孩,她其實都很需要我們的體諒和關心。

Text & Photos: 嶠媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

育有一仔一女,芊嶠和劻霖,生左芊嶠後,就成為左全職媽媽,開始係Facebook寫blog,之後再開blog,有係其他平台分享,目的是想同大家分享樂事,分享好去處!
Share to Facebook