【唔做會後悔!3件孕期必做的事情~為孕期留下美好回憶】

【唔做會後悔!3件孕期必做的事情~為孕期留下美好回憶】

Bloggers 專欄
By 90後P牌媽咪 on 20 Dec 2017

愈黎愈接近預產期,就愈黎愈期待同緊張。有時回望返呢8個月,同未有BB嘅時候,其實都係照常咁生活,無咩大分別。但懷孕當中嘅變化,真係好特別!當中有啲野我覺得一定要襯有左BB一定要做,唔做真係會好後悔!

1. 一定要影孕照

有左BB之後,除左個肚會愈黎愈大之外,都係女性第2次發育嘅時候,哈哈!呢個期間,一定要去影孕照!我發現孕媽媽影呢類嘅相,就算性感少少都會好有美感同好有女人味。早前我係29週,仲係比較輕鬆嘅時候去左影孕照,好好記念一下第一胎懷孕嘅感覺!當睇返啲相,真係會覺得懷孕係好神奇,原來BB同自己真係好Close!

IMG_7736

(如果大家對呢間影孕照嘅地方有興趣,可以Facebook Inbox問我啊!因為唔係賣廣告XD)

2. 要Keep住扮靚,做一位辣媽

好多時有左BB會因為攰/懶而唔去扮靚靚,但其實係懷孕階段真係好重要,除左比身邊嘅朋友羨慕之外,老公都會覺得你好有女人味,好似一個辣媽!出街、穿搭上都不妨花小小時間打扮一下,搽返個粉底,夾一夾睫毛,搽返個有色潤膏!著衫都可以揀啲貼身少少,突顯返個線條!

IMG_6298

3. 擁有一張超聲波相

以前未有BB個陣,都見過好多媽媽成日都post照聲波嘅相。雖然未必好似醫生咁識睇,但話晒係第一個B,梗係要留念一下啦!第時BB大個左,可以解釋返比佢知以前係媽媽肚入面嘅情況,加深佢同你之間嘅關係!

IMG_7244

歡迎媽媽們一齊交流/傾下計,成為我既同路人!將會有更多有趣,扮靚、健康、育兒等等既心得分享!

Text & Photos: Lorraine

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

90後Fresh Grad媽媽,畢業不足半年做左媽媽,兒女係上天比我最大既祝福。充滿正能量既我,雖然年紀較細,人生經驗唔多,但懷孕過程中,令我對於育兒、教導亦有多左一番心得。希望藉住文章、Facebook Page帶到更多正面信息比一班同行者,同時記錄我懷孕過程同寶實既一點一滴。

Follow Instagram: mami.presslogic

Share to Facebook