【懷孕想去個短Trip?孕媽咪深圳一日半輕鬆遊】

【懷孕想去個短Trip?孕媽咪深圳一日半輕鬆遊】

Bloggers 專欄
By 90後P牌媽咪 on 09 Jan 2018

有左BB之後,其實都無咩機會出去旅行。一黎自己畢業之後去左幾個Grad-trip無咩錢再去旅行,二黎係因為有左BB行一陣又攰,會唔夠盡興。但當然有機會一定要去下啦,始終生完之後個1-2年都無咩機會走得甩,哈哈。

香港行黎行去都係個D地方,消費又貴,所以我決定同老公近近地去深圳行下!順便散下心!

我地夜晚收工就上左去東門既「7天連鎖酒店」住一晚,7天係內地算係乾淨同平既精品酒店,張床好大好舒服。房間好簡潔,而且都係170人仔一晚,對我黎講已經好抵!同埋佢同東門既步行街好近,一訓醒就可以去行街!

unnamed

7天連鎖酒店:深圳步行街老街地鐵站二店|東門中路2216號華佳廣場12-14樓

Check-in左之後,我地就去左食海底撈!Woohoo~ 孕婦去食,服務比平時仲好添啊!好細心咁比左個咕????同話係防電防輻射既圍裙比我。

unnamed (1)

同埋佢仲送左個「平安雞蛋」之類既野比我地,話寓意母子平安。媽媽聽到呢D真係會覺得好窩心。

unnamed (2)

訓醒第二日,就係係去行下東門,食下野、配下眼鏡、買下手機殻咁。當然唔少得要去飲「喜茶」啦!呢個真係每次去深圳必做既事!個芝士奶蓋真係飲十杯都得!

unnamed (3)

我叫左杯熱既芝士抹茶,始終有左BB飲凍野都唔係太好啦~

unnamed (4)

之後去左間Cafe到Relax下,食下Cake飲下野咁。係東門下一個站,有間叫「Lady Seven」既Cafe,係深圳好出名架,聽講係半價版既「Lady M」。環境好舒服,一件Cake都係大約38-48人仔一件,仲要個味好似好似好似Lady M(好重要,所以要講3次)!送上黎既甜品碟都係凍架,真心好專業好Surprise!

unnamed (5)

原本想叫伯爵味,但可惜賣晒,最後叫左個原味千層蛋糕。真係好有質感,軟硬適中,又唔會太甜!

unnamed (6)

unnamed (7)

unnamed (8)

有另一間分店係成橦,環境會比呢到再靚D同舒服,但因為時間問題,所以我都無去到Lu。但個到附近仲有間Hello Kitty Cafe添架!!

因為夜晚趕住返香港,所以我都無留底食埋夜晚個餐先走。但如果大家想食埋夜晚個餐,我都有個好地方介紹!如果中意食串燒既你,可以去一間叫做「木屋燒烤」既串燒店,佢地既燒蠔、燒茄子、燒韮菜等等都好好味!唔怕走黎走黎去,可以去香蜜湖站個間,大間D同個環境都好有Feel!近既話東門都有分店架!

unnamed (9)

unnamed (10)

去唔到旅行,近近地去下深圳都幾好架!不過孕婦去,記得要小心D二手煙味同要小心唔好比人撞到啊!

Text & Photos: 90後P牌媽咪

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

90後Fresh Grad媽媽,畢業不足半年做左媽媽,兒女係上天比我最大既祝福。充滿正能量既我,雖然年紀較細,人生經驗唔多,但懷孕過程中,令我對於育兒、教導亦有多左一番心得。希望藉住文章、Facebook Page帶到更多正面信息比一班同行者,同時記錄我懷孕過程同寶實既一點一滴。
Share to Facebook