【曾經失去 現懷孕四個月仍不放心 回顧懷孕第4-5個月的產檢過程】

【曾經失去 現懷孕四個月仍不放心 回顧懷孕第4-5個月的產檢過程】

Bloggers 專欄
By 綿綿媽媽 on 13 Feb 2018

回想起懷孕頭3個月時間, 覺得過得很慢長,好想"綿綿BB" 快D穩定, 但原來過左3個月後,我都未夠放心,因為仲要等到第5個月照完結構,先敢鬆一口氣,雖然第4個月開始叫懷孕蜜月期,但都唔敢向外公佈,我記得頭5個月都唔太相信自己有左"綿綿", 覺得好似發緊夢,好唔真實,唔敢咁快開心,唔敢相信自己咁幸運,居然終於可以有BB,認識我既朋友及親人都知道我和老公等左好多年,而且之前曾經失去過,所以真係好多謝上天送比我地既禮物, 我會好好珍惜及保護綿綿。

23 Nov 2017
呢日係18W+1D, 唔計之前度頸皮,今次係我第一次正式係瑪嘉烈醫院做產檢, 主要都係驗尿,度高,磅重,量血壓,乳房,度宮高,胎位及聽胎兒心跳等檢查。如果情況隱定,日後就會轉介返健康院檢查。

政府醫院覆診時間: 12W-24W (每六星期1次), 24W-30W (每四星期1次), 30W-40W(每二星期1次)

今次遇到所有姑娘及醫生都好好,所以我對瑪嘉烈印象都唔錯,當日即時book左31/1 返來飲糖水測試及下一次健康院產檢時間。另外醫生好好,寫左封 [產前運動班] 轉介信給我到大堂排期, 會對將來順產好有幫助。

unnamed

25 Aug 2017

呢日係18W+3D, St.Paul 做檢查,過左12W, 私家醫生暫時見議我一個月產檢一次。今次謝醫生幫我照左好多個角度,比多左幾張相我,佢好細心解釋BB不同部位, 仲暗示照到有 "何B仔" , 因為天主教,佢地唔可以直接同我提姓別,但睇張相可能太抽象, 我真想像唔到個畫面, 哈哈~大家都可以幫手下,睇唔睇得明~

a002

13 Dec 2017

呢日係21W,終於等到呢一日喇,點解咁期待? 因為返瑪嘉烈醫院幫 "綿綿" 照結構。之前都有聽好多朋友或網上媽媽講,政府照得比較馬虎, 所以我都有book定一個私家醫生作後備,因為好似過左23W照就太遲了。唔知係咪 "綿綿" 好幸運? 我遇到每個醫生都好好,今次政府醫生幫我照結構都差唔多照20分鐘以上,仲好細緻好請楚講解每一part BB係邊個部位我地知,手指腳指都每隻數齊比我地睇, 所有器官都有解釋,話BB好正常,仲主動問我想唔想知道BB姓別, 估唔到政府醫院都照得咁認真,可能真係睇無遇岩邊個醫生~ 不過政府就唔會有相比返你,如果各位媽媽想要張"金黃色3D相"及DVD留念,就要去私家睇喇!

最後聽到醫生話BB一切正常,係仔仔, 好健康,我同老公即時安心晒~
另外Book左私家醫生照結構,我都打去Canel 左,因為我對BB有信心,唔想再照喇~
"綿綿" 我地又過左一關喇,下一關媽媽要飲糖水測試,加油!!!

Text & Photos : Suki 綿綿媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

我叫Suki, 是一位化妝師及花藝師,現在懷有綿綿bb, 懷孕真的很奇妙, 事業心重既我, 居然希望將來做全職媽媽, 多年前常在網絡分享貓咪(薯條仔)生活點滴,扮靚化妝心得, 後來工作太忙甚少分享了。 可能到了人生另一階段, 就激發我重新再想寫blog既衝動,更加希望將所有懷孕歷程到出世後既生活趣事,記錄及同大家分享,綿綿~ 爸爸媽媽好期待你既來臨呵

Follow Instagram: mami.presslogic

Share to Facebook