【由東涌玩到大澳 上山又下海 探索大嶼山隱世花園兼睇海豚】

【由東涌玩到大澳 上山又下海 探索大嶼山隱世花園兼睇海豚】

Bloggers 專欄 · 親子好去處

日日都咁好陽光️,梗係要繼續同陽光玩遊戲啦!今次去探索大嶼山隱世花園,上山下海玩盡大澳,來個尋覓海豚之旅,行程推介:

路線:東涌 ->大嶼山觀音寺 -> 龍仔悟園 -> 大澳 -> 坐船睇棚屋尋海豚-> 三盞燈 -> 吊橋 -> 大街買手信覓美食 -> 東涌

先去東涌,乘搭11號大嶼山巴士往大澳,於週末班次頻密,好快就可以上到車!

於觀音寺站落車

站頭對面有路牌指示往觀音寺

往前走20米,已看到觀音去入口

穿過牌坊,向上行約50米便是觀音寺


沿路會經過慈航路同普渡橋

上到去先發現觀音寺維修中,一場來到,照上行拜一拜候觀音啦!



幸運地,寺廟姨姨見我們未能參觀,就贈送手鍊同利是封裝飾予鯨魚家姐蝦子細佬,兩位小朋友好開心啊!


當我們準備離開,鯨魚家姐發現有蟲蟲在地上,於是我們又上堂生物課先走得!


然後,由觀音寺下來,向原本的小路再往前走約50米,我們便到達羌山引水道,此路是通往大澳之山路。

行左一陣,兩位小朋友見攰坐低休息下再上路

引水道會經過食齋嘅西來意苑

見到上面呢個路牌,表示好快到今次想探索既隱世花園 - 龍仔悟園!

再向前行多二三百米,就會見到上面路牌,離開引水道,往山路走了!

呢到係龍仔悟園山路入口

蝦子細佬係途中見到迷你泥土車又上車玩下

見到上面個牌,我地先向萬丈布行,睇完龍仔悟園再回路往返大澳

蝦子細佬行到冇晒精力

鯨魚家姐好好力繼續行!

話咁快就到左呢個隱世花園了,小橋、荷花池...

噢....唔可以入去涼亭,只可以係荷花池那邊觀賞!

未去大澳之前,大家都要坐低補給休息下!

向大澳道下山


先經過小溪澗,可以稍作停低影下相,浸下腳涼快!

好快就行到大澳既山腰,望到大澳全境啊!離遠仲望到港珠澳大橋!



一落左山就見到遊樂場,兩位小朋友又點會放過玩既機會呢(即使兩位已經好攰)?


玩完,我地就往碼頭方向走,準備上船遊覽大澳棚屋同睇海豚~~

大澳海上游



當然,我地冇咁彩遇到海豚啦,上岸後,我地就向好有特色既三盞燈棚屋前進!



去到三盞燈棚屋後,佢既擺設都好有大澳既風味,原來呢間棚屋做左CAFE,比遊客坐低嘆茶感受大澳既風情!



再之後,我地去左另一橋有特式既吊橋睇下影下相



最後,就緊係買下手信(鹹蝦醬)同嘆下美食啦,鯨魚家姐手上既香妃券堅香 、沙翁又超好味!

食飽我地就回程了,假日關係,巴士條人龍都好長,大家去大澳的話,要預留時間或策略性排隊等上車喇!

兩位小朋友是日玩得好開心,雖然見唔到海豚,但都好想再係大澳坐船啊!

=====================

Text & Photos : 鯨魚家姐·蝦子細佬媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

鯨魚家姐‧蝦子細佬的雙職媽媽,忙於工作與教育孩子之間。天真無邪的兩姊弟既逗人歡樂,也惹人煩躁,一家人最喜愛玩樂,也熱衷郊遊,專門搜羅親子活動好去處、趣味郊遊路線、好玩的親子旅遊行程、分享育兒心得!

Follow Instagram: mami.presslogic

Share to Facebook