【BB未夠一歲 已搭超過16次飛機?同BB搭飛機去旅行有咩要注意】

【BB未夠一歲 已搭超過16次飛機?同BB搭飛機去旅行有咩要注意】

Bloggers 專欄
By km媽媽 on 13 Apr 2018

MAX哥一出世到而家都係我地2公婆一手一腳湊,不離身。
因為我地兩個成日都要飛黎飛去做野,所以當MAX哥到100日後就決定帶埋佢飛!
一開始個陣都好緊張要去外地,BB會5會唔慣呀?搭飛機會點?去到會唔會水肚不服呀?要帶D咩呀?等等

a08d6e1e-8de3-4ddd-b79a-be8d022b698f

但飛耐左就覺得其實比想像中容易,更加試過自己一個單拖帶MAX 哥搭飛機去韓國搵老公。
飛下飛下MAX 哥未夠一歲已經跟我地飛左8次,搭過十六次飛機。

b0b2a800-fe64-4e99-8b27-2a0b9a3bbc33

86a0463b-9d2a-4e64-ab7e-4047ef4510df

71ea9cba-6d58-44ce-8084-d4b586c96323

由熱至三十幾度的泰國去到負十幾度的韓國,佢都去過。

.

(飛機上)好多媽媽成日問帶BB 搭飛機應該點做呀?
.
我地同MAX哥飛第一次佢都係三個月左右初生BB,因為其實我地自己都會怕係搭緊飛機個陣同飛機會有BB大喊呀,收唔到聲個D好騷擾性個D,所以我地係搭飛機前一日會開始調節飲奶時間,(個陣大約四個鐘飲一次)計好晒時間,調節到臨上機前大約半個鐘頭左右會比佢飲一次奶, 咁通常佢上機無耐就會訓著,一訓訓到落機時間岩岩好,
咁有時都會遇到佢飲完奶唔肯訓一齊起飛玩足全程的情況,咁因為飛機起飛/降落時氣流會比較大同BB未必習慣,所以我地會用其他野例如播下歌比佢玩玩具分散下注意力,起飛後上到半空就無問題!

e37d29f7-9c24-4f2d-9a50-5b39a62fff58

(飲食)BB會唔會水肚不服?
去泰國的時候MAX哥已經介左人奶要滾水沖奶粉,個陣好怕第一次飛水肚不服仲要去7日咁多,上網睇過好多媽媽係堅係會拎香港水去外地煲滾但計過條數去7日咁多一日仲要飲幾餐拎十幾支水都未掂,所以就豁出去咩水都唔帶,直接飲當地水!學老人定話齋愈係細個肚會容易敏感但更有機會接受能力好高,咁點知去左飲左7日都無野所以到之後飛韓國,其他地方都係飲當地水

如果係喂奶粉的, 帶奶粉記得預多D去,寧多莫小
因為去到外地唔夠食要買未必買到岩(但MAX哥已經一歲加固多左就方便好多)

unnamed

(住宿)
始終BB都係細 ,外地旅行盡量都係會揀比較好,地方光猛,評價高的酒店
因為MAX哥1歲以下未識企,所以我地飛左既時候都係用酒店洗水盆/浴缸幫佢沖涼
另外自備BB用開既毛巾抺身。

.

(用品)
通常我地飛一次會去6-8日左右,MAX哥既衫大約帶5套左右,外套會帶1,2件, 大毛巾會帶1-2條
因為BB衫都會手洗,洗完晾所以唔會帶太多可以減輕負擔。
尿片可以拎定十幾廿塊,去到當地再買
另外D看門口藥一定唔少得,退熱貼,退燒藥,珍珠末etc,有D咩頭暈身熱都可以用住先!
(如果BB太細可以帶埋佢平時訓開教攬住個隻公仔去,有安全感會好好多唔怕陌生地方)

1c885fa5-aac8-4c34-84c8-9aa8caeac098

以上打的都係個人分享,只供參考哦!
一次生兩次熟飛多幾次就慣,
祝各位第一次同BB旅行 ,旅途愉快~~

==============================

Text & Photos : km媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

我係一位90後媽媽,2017 年3 月生左第一胎max哥(因為佢老積又大份) 主要分享日常生活點滴/仔仔既成長過程/ 旅行住宿飲食分享/ 帶b去旅行/ 有時會有品牌邀請合作等等~ Facebook Page:90後店主km媽媽

Follow Instagram: mami.presslogic

Share to Facebook