【產後媽修身好困難 紮肚真係瘦到?同你分享傳統印尼紮肚只要18日】

【產後媽修身好困難 紮肚真係瘦到?同你分享傳統印尼紮肚只要18日】

Bloggers 專欄 · 孕媽專區
By 90後P牌媽咪 on 16 Apr 2018

係有左bb個陣,我就已經知我生完一定要紮肚,一黎想修身,想keep個d,二黎係想穩固返內臟既位置,改善腹直肌分離既問題,因為bb係個肚個陣係會令我地既內臟移位,而生完個肚承托力亦唔足夠。

紮肚係一項好貴好貴既療程,我自己紮個陣都好唔捨得,所以我都格左好多價,同埋紮完你都會發現係值得!我自己係上網搵紮肚個陣,有個媽媽介紹比我。大家都知,好多明星去既紮肚,紮十次都要成萬幾蚊,我就真係唔捨得既⋯⋯仲要好多都係要自己上去美容院紮,老實講,生完真係出門口既時間都無。而我紮肚既師傳係係印尼黎,收費比出面平,而且仲會上門幫你紮!

.

每次紮之前,師傳都會用印尼配方既野幫你按摩下個肚,去排走d肚風同加快令子宮回復返正常size。但因為我肚皮比較易敏感,所以我後期用返我以前搽妊娠紋既膏就算。之後佢會用3層既布幫你紮肚,一日比一日窄同緊,紮既呢段時間真係要忍耐!

(入面仲有兩層布紮住)

同埋紮完之後,會有個全身按摩幫你relax返,初初生完真係好攰,成身都好酸痛,按摩個陣,我真心覺得係人生一日享受,壓力,緊張都無晒!仲記得紮既第一日,師傳唔敢一開始幫我紮得太緊,但條腰即刻挺直返晒,真係好舒服!可能陀b個陣腰會慣左向後,生完之後,點樣用腰力都唔係好識,同埋我一訓底,條腰就會啪啪聲,紮住個陣好似幫我穩固返腰既位置,真係舒服好多!

師傳仲話,係印尼既女人,生完之後都一定會紮肚,但佢地就簡單d,為左健康先紮,而唔係為左靚。原本我係打算紮20日,但最後見到都修得差唔多,所以我紮到第18日就無紮lu,紮左咁多日都平去美容院,紮既次數都比較多,所以都真係好抵!比大家睇下我既成果啦!

我自己係生完第5日就開始紮,Day1真係好恐佈⋯⋯但去到最後,同我未生個陣都差唔多。

最起碼條腰都返返黎!!

真係好多謝師傳每日都好早黎幫我紮,到最尾個日佢仲好有禮貌咁多謝我同希望我滿意!講真,咁快可以瘦返我真係好開心!如果準媽媽們都有興趣搵佢紮肚,就inbox問我啦!

當然,紮完都唔可以懶,Keep住做返運動就一定可以瘦過以前架喇!紮完都有兩個星期既時間,我都有做Workout令個肚仔再瘦d~

=============

Text & Photos : 90P牌媽咪

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

90後Fresh Grad媽媽,畢業不足半年做左媽媽,兒女係上天比我最大既祝福。充滿正能量既我,雖然年紀較細,人生經驗唔多,但懷孕過程中,令我對於育兒、教導亦有多左一番心得。希望藉住文章、Facebook Page帶到更多正面信息比一班同行者,同時記錄我懷孕過程同寶實既一點一滴。

Follow Instagram: mami.presslogic

Share to Facebook