【周末親子深度美食文化遊 睇歷史文物兼食60年老牌絕味荳腐花】

【周末親子深度美食文化遊 睇歷史文物兼食60年老牌絕味荳腐花】

Bloggers 專欄 · 親子好去處

九龍城區出名多美食,今次帶鯨魚家姐蝦子細佬來個九龍寨城深度美食文化遊,絕對有驚喜!!

行程推介:路線:樂富站->石屋冰室 ->侯王古廟 -> 賈炳達道公園 ->九龍寨城公園 -> 前九龍寨城衙門 -> 公和荳品廠-> 返屋企

第一站: 石屋家園

由樂富站B出口步行10分鐘即到石屋家園

石屋屹立半世紀,以前係寮屋區,經活化後成現在嘅石屋家園,走歷史風,除左有文物探知中心,更有咖啡冰室,餐廳貫徹懷舊建築風格,分上下兩層,設有卡位,午餐都係$4x-$5x不等,水準亦唔錯。




餐廳另一邊樓梯通往文物探知中心,可了解前九龍城嘅歷史,仲有懷舊board game比小朋友任玩,另一邊樓梯往下可到接待處,可$5購買postcard,自由配搭懷舊蓋章,作紀念之用!





走到屋外,見到另一個景點,一輛停泊嘅人力手拉車,遊客可自由拍照,再往盡頭望,再發現到一個特別嘅小花園,據說係明陣,小朋友跟住明陣走,玩得好開心呢!


石屋家園有提供洗手間,格數都多,換片板都有,方便帶BB參觀嘅父母! 參觀完石屋家園,就去下一個景點!

第二站 - 侯王古廟

係石屋家園過一條馬路就係侯王古廟,咁近就緊係要求返支好簽啦! 侯王古廟係一個歷史悠久嘅法定古蹟,建於17世紀,廟內保留好多九龍寨城嘅文物,供俸多位神祇,有不少巧奪天工嘅擺設,增添不少美感,而廟宇後殿嘅設計都頗為特別,係香港來講算少有,值得一去!






拜左支好簽之後,繼續去下一個景點!

第三站: 九龍寨城公園

從九龍寨城公園入口到賈炳達道公園,先去遊樂場比鯨魚家姐蝦子細佬輕鬆下



玩夠就行去隔離嘅九龍寨城公園,原址為九龍寨城,裡面以清初江南園林為設計模式,有靜修嘅庭園





穿過庭園就望到保留至今嘅前九龍寨城衙門同南門懷古遺址,仲有專人講解九龍寨城歷史添





肚餓又可以係小食亭試下懷舊小食,小食亭同時有售賣兒時玩具,童年回憶返晒黎! 如果玩到未夠喉



睇完歷史遺址,可以去賈炳達道公園東門租單車,單車場都頗大,啱晒小朋友操車啊! 



最後梗係要去有60多年歷史嘅公和荳品廠,試下著名豆腐花啦,只限週末出品嘅黑芝麻味不可錯過!!



====================

Text & Photos : 鯨魚家姐·蝦子細佬媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

鯨魚家姐‧蝦子細佬的雙職媽媽,忙於工作與教育孩子之間。天真無邪的兩姊弟既逗人歡樂,也惹人煩躁,一家人最喜愛玩樂,也熱衷郊遊,專門搜羅親子活動好去處、趣味郊遊路線、好玩的親子旅遊行程、分享育兒心得!

Follow Instagram: mami.presslogic

Share to Facebook