【新春拜年見盡麻煩親戚 唔該唔好忽略我小朋友嘅感受】

【新春拜年見盡麻煩親戚 唔該唔好忽略我小朋友嘅感受】

Bloggers 專欄
By Alfred媽媽 on 15 Feb 2018

媽媽由細到大農曆新年,都要去各大親友家拜年,今年亦都唔例外。有D親友,幾年都唔會見一次半次,唔知係咪少見原故,佢們對您大事小事都顯得特別「關心」,而我就特別怕遇到以下呢類親友!

1.亂說話的人
親友甲: 「做乜唔叫人呀?唔叫人係無禮貌呀!您唔乖呀!唔乖嘅小朋友,無人愛啊!」
親友乙:「下,呢件係您新年新衫呀?邊個買比您架?咁肉酸嘅!」
親友丙:「您爸媽寧願同阿邊個邊個應酬,都唔得閒理您啦!」
~嘢可以亂食,說話唔可以亂講呀!一年唔見您幾次,就講埋呢d說話!請唔好忽略我小朋友嘅感受~

IMG_6629

2.愛比較的人
親友甲:「阿邊個個仔定個女,十個月大時識行啦!(嘩!)您個小朋友連爬都未識呀?會唔會有問題呀?」
親友乙:「仲有阿邊個個老公,今年升職加薪,做佢老婆真係幸福囉!」
親友丙:「喂,您今年考第幾呀?下,阿戊年年都考頭三名喎,您比D心機啦!」
~人比人比死人啊!難道您阿爸又係李家X咩?~

IMG_6630

3.零衛生的人
親友甲好似當人地屋企好似係鋪頭咁,見嘢就摸,摸完手都唔抹就想摸或餵小朋友食嘢!
食完賀年食品嘅親友乙,咀又未抹,又徒手撩牙,之後更想哄埋小朋友塊面度表示愛意!(喂!媽媽表示受不了啊!)
~媽唔係懶緊張,而係個人衛生係基本常識啊~

4.假關心的人
親友甲:「您人又靚,條件咁好,做乜無拖拍呀?係咪您眼角高咋?」
親友乙:「您地仲逗利是呀?下年好派啦!其實您兩個打算幾時結婚啫?有計劃未呀?唔好拖咁耐囉?」
親友丙:「哎呀,您地年紀都唔細啦,幾時生返個bb玩呀?有bb先熱鬧,先似返個家呀???」
親友丁:「幾時生多個呀?唔生???個仔/女好孤獨/好悶喎!」
~您嘅人生就好似係佢嘅事~

IMG_6631

5.扮專家的人
親友甲乙丙丁xN:「我話比您知,湊小朋友唔係咁湊/沖奶粉唔係咁沖/小朋友唔係咁教/小朋友要打下先聽話呀…我以前咁咁咁湊,都湊到佢地大啦… 然後,下刪100萬字!!!」
~每個小朋友都係獨一無二,只有父母先係最了解自己嘅小朋友,請別管我嘅管教方式~

6.亂比嘢的人
請唔好亂比嘢比我小朋友食呀!雖然未必真係比咗小朋友食落肚,即使係玩下,其實唔多唔小都破壞緊我地嘅教養方式。(特別係明知小朋友唔應食太多糖果、汽水呀,有D親戚就係鍾意同父母唱反調,偷偷地比小朋友吃喝!)
請唔好亂比嘢比我小朋友食呀!請唔好亂比嘢比我小朋友食呀!請唔好亂比嘢比我小朋友食呀!~

IMG_6633

以上大部份都係我真實遇過嘅情況,雖然我知道有些親友未必有心講呢D說話/做呢D行為,可能只係出於佢地表達愛/關心嘅方式。但人生在世,大家可以聽完就算,唔洗太過在意嘅(因為認真便輸了!)。或者簡單回應一句:恭喜~我真係恭喜您啊!(註:當然如果某D位家長認為會對小朋友造成影響嘅,亦可以用一個婉轉嘅方式去制止,別害怕難堪啊!)
哈哈~藉此我們一家都預祝大家新年快樂、身體健康啊!

Text & Photos : Alfred成長日記

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

分享Alfred的成長軼事、幼兒食譜、親子玩樂、購物情報、旅遊資訊、好物介紹等。 以及,Alfred媽作為母親的體會、學習與得著。Facebook: https://m.facebook.com/AllAboutAlfred/

Follow Instagram: mami.presslogic

Share to Facebook