【織織復織織 媽媽為BB不停織 教你織愛心溫暖牌嬰兒鞋仔】

【織織復織織 媽媽為BB不停織 教你織愛心溫暖牌嬰兒鞋仔】

Bloggers 專欄 · 親子穿搭
By 綿綿媽媽 on 23 May 2018

自從懷有綿綿bb後,開始減少出外化妝工作量,盡量乖乖留在家養胎休息。 除了食和訓,上網,睇懷孕書,做產前運動,仲有乜嘢做呢?就係學織 bb 鞋仔, 其實一向做開花藝手作仔,從來無諗過學織bb鞋仔係我新興趣,可能將會做媽媽有關而培養出來,但我完全無基礎認識, 於是上網搵資料及買基礎書開始自學。

基礎書籍,鉤針及棒針用具及配件,我都是上淘寶買。

冷球如果想直接睇顏色及模上手質料,可以到$12店或冷舖買

其實上網自學真係好方便,首先我會在 YouTube search "編織基礎教學" “編織工具“ "鉤針基礎" 等字眼, 學懂要預備什麼工具,怎樣看圖,買好晒要用既材料,先開始練習。

呢度有好多唔同基礎教法,各位媽媽有興趣可以看看

https://www.youtube.com/results?search_query=%E7%B7%A8%E7%B9%94%E5%9F%BA%E7%A4%8E%E6%95%99%E5%AD%B8

練熟基礎及基本概念後,才開始上youtube search 不同款式 "嬰兒鞋教學"

https://www.youtube.com/results?search_query=%E5%AC%B0%E5%85%92%E9%9E%8B%E6%95%99%E5%AD%B8

有片睇真係易明易學好多,因為身邊有好多朋友bb出世,所以好有衝動想織來送給朋友

其實一邊聽住胎教音樂,一邊織鞋仔係可以令懷孕媽媽心情得到放鬆,所以令我漸漸愛上呵! 如果有媽媽懷孕養胎中,不防考慮自學織 BB鞋 或 BB衫


呢對係我第一對作品,送比阿Ca媽媽既小公主架

第二對作品係送比"綿綿爸爸"澳門既好朋友,佢地bb將會同綿綿差不多日子出世,大家都係囝囝,綿綿有盤好開心

呢兩對係織比Zoe 對龍鳳BBs, 可以兄妹裝出動,一定好可愛


最後呢對涼鞋款織比"綿綿"個未來表妹,細綿綿3個月,會7月出世,夏天著岩晒

其實暫時所有款式都是網上學,未有真正創作自己作品,不過現在開始明白到不同技巧,我相信我應該可以設計到其他款式呵,希望將來有時間可以學織其他不同物品啦~

我暫時未開始織比"綿綿", 不過我相信"綿綿"一定有好多機會著住媽媽既溫暖牌呵~

==============================

Text & Photos : Suki 綿綿媽媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

我叫Suki, 是一位化妝師及花藝師,現在懷有綿綿bb, 懷孕真的很奇妙, 事業心重既我, 居然希望將來做全職媽媽, 多年前常在網絡分享貓咪(薯條仔)生活點滴,扮靚化妝心得, 後來工作太忙甚少分享了。 可能到了人生另一階段, 就激發我重新再想寫blog既衝動,更加希望將所有懷孕歷程到出世後既生活趣事,記錄及同大家分享,綿綿~ 爸爸媽媽好期待你既來臨呵

Follow Instagram: mami.presslogic

Share to Facebook