【神劇反映真實近99% 想家和萬事興 每個媽媽應該捉住老公一齊煲劇】

【神劇反映真實近99% 想家和萬事興 每個媽媽應該捉住老公一齊煲劇】

Bloggers 專欄 · 媽媽心事
By 僑蛋媽 on 11 Jul 2018

我個人認為「BB來了」呢套劇集,真係要老公老婆每晚一齊追。
雖然有啲情節係浮誇左啲,但根據我咁多個媽媽群嘅統計得知,呢套野嘅內容真實度係接近99%。

000010348297_1530851655

如果你老公睇左覺得套野勁浮誇既只有兩個可能性
1.個老公本身好好所以同老婆都無經歷過呢種事
2.你完全唔了解個老婆諗咩

000010349532_1530860112

我唔係叫啲老婆捉個老公去一齊睇同奶奶個啲嘅磨擦,個奶奶有幾衰。
我意思係去睇下到底做人呀媽個思想係點,或者你就會知道老婆生仔幾偉大,犧牲左啲咩,點解你老婆會成日發脾氣同埋點解咁著緊一啲爸爸們覺得小嘅事係啲媽咪眼中係幾大件事。

000010348799_1530853145

好多爸爸唔明點解要對小朋友咁著緊,我最常聽到嘅一句說話就係「我地以前都係咁樣湊大幾個,咪又係咁」我認為呢句說話係無腦先會講得出口,咁點解以前食生肉你呢家要煮熟再食?點解以前住木屋呢家會住石屎樓?

000010349508_1530860084

好簡單,因為時代會變,科技會進步,以前粗養係因為經濟唔好,有錢邊個會住細樓?點解依家咁小心翼翼,因為以前環境污染無咁勁啲菌少好多。點解以前咩都食得,呢家咩都唔比食?因為以前科學無咁發達唔知食咩對BB有影響。

000010348767_1530853110

對於啲人成日話我唔比咩唔比咩僑蛋食好慘,好似零食咁,我想問食左零食有咩好處?無!咁食零食有咩壞處?食完唔食飯,味精過多導致偏食,肥胖等等,請問唔食唔會有問題,食左可能有問嘅野可苦要比小朋友食?點解唔等佢大少少再比佢?唔比就等於衰媽咪?

相信剩係呢樣野已經係好多媽咪同長老們磨擦既野。當然仲有好多好多。

000010348623_1530852952

我曾經上網睇到一篇文章講媳婦希望同奶奶住嘅距離係1.X公里以上,無奈香港嘅土地問題,導致好多家庭仍然係婆媳一齊住。

婆媳糾紛經常發生。

000010348615_1530852943

其實係婆媳關係之中,個老公真係擔當好重要嘅角色...我希望每個爸爸都可以用心企係媽咪嘅角度去體諒個老婆,去試圖了解個老婆諗咩,而唔係一味錯講「互相忍讓」...請問個老婆離開左自己嘅屋企放棄做個小公主黎到你屋企小心翼翼咁生活...如果咁都唔叫忍讓左我都唔知仲可以講咩,不如試下企係老婆嘅角度,幫住個老婆,耐心同媽咪解釋一下,記住老婆唔係欠你媽咪啲咩,基本上佢做咩都唔洗同奶奶解釋,我相信老婆同奶奶鬧交既都係因為愛你先留低鬧交姐,你試下佢唔愛你?直接抱個B走啦,仲鬧到啲咩播,各位爸爸...做媽咪真係唔容易咖!有時一句唔該老婆,老婆已經好開心。

000010348265_1530851590

如果做緊老公嘅你有機會睇到呢篇文章,不妨攬住老婆講句「辛苦老婆啦,i love u」,老婆肯定甜到入心!

==============================

Text & Photos : 僑蛋媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

90後全職媽咪,女兒僑蛋於2017年7月出生,全人奶,讚好FB:僑蛋.搗蛋

Follow Instagram: mami.presslogic

Share to Facebook