【現今社會 有良心嘅老闆好少有亦好難求 無人天生識做爸爸 男士待產假唔係可有可無】

【現今社會 有良心嘅老闆好少有亦好難求 無人天生識做爸爸 男士待產假唔係可有可無】

Bloggers 專欄 · 媽媽心事
By Pig Wing on 08 Aug 2018

早幾日睇新聞,見到張生話「侍產假一日都不應該有」。

其實,佢講中左幾多老闆心中嗰句?

係,係好難聽,但我諗,成個香港,唔只佢一個咁諗,大把人咁諗!

就正如成日有上一代人會話新一代唔捱得,新不如舊...

根本,只係得張生有勇氣講出口!

一個有良心既老闆,根本唔會只係睇法例最低要求!

香港宜家法例規定只有3日男士待產假,有幾多老闆係真係只俾3日?

老公既公司比較好少少,有5日,連埋星期六、日,一共有9日假期~

蠔豉妹妹之前因爲唔舒服,入左3日醫院,佢公司都無扣佢大假,佢老闆話小朋友健康最緊要,照出糧。

(當然,都會打黎問下之前未完成既project進度)

一個老闆,好同唔好,係呢啲細位到就比較到~

你以為只有女人要坐月?

男人天生識做人阿爸?唔需要時間適應?

3日,好彩加埋星期六、日,一共有5日~

你要求神拜佛BB無病無痛,唔好黃,如果唔係日日要去健康院、醫院覆診~

你要求神拜佛BB返到屋企,第一晚就唔洗食夜奶,一陣每2個鐘醒一次,都唔知俾媽媽訓好定點~

你要求神拜佛,媽媽係一個超人,你返緊工時,媽媽可以又餵奶、又換片、又氹BB、又夠休息可以坐到月~

以前,成日都講以前。

以前你俾人蝦,宜家又要蝦返人係一個咩觀念?

老師教以德報怨,你就諗住keep住怨落去?

將心比心,你唔俾個爸爸放待產假,一個有責任心既爸爸,個心咪又係掛住BB同老婆~

個人返左工,個心飄走左,有用咩?

==============================

Text & PhotosPig Wing

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

一家5口,3個人類,2隻貓星人!作為一個新手媽媽!堅決繼續密密食!密密買!密密去旅行!

Follow Instagram: mami.presslogic

Share to Facebook