【懷孕期間乜都要小心 三姑六婆切勿指指點點 無心說話容易造成孕媽情緒低落】

【懷孕期間乜都要小心 三姑六婆切勿指指點點 無心說話容易造成孕媽情緒低落】

Bloggers 專欄 · 孕媽專區
By LULU on 08 Aug 2018

好多認識我的人都知道,我是一個樂觀開心果!
好多時都好正面,就算嬲嬲豬都不會太耐!

最近進入懷孕後期,我覺得自己情緒出現變化,

可以為了幾句說話,就難過到哭了起來!

有時外出用餐,會有一些好心的路人關心,

例如會提點孕婦盡量不要進食烤雞、酸辣米線、乾炒牛河之類,

又會提點進食不當,會影響寶寶皮膚,好大機會有濕疹,

當下第一個感覺:「做咩嚇我?」


懷孕期間,其實要擔心的事情已經好多,

初懷孕未穩定,會擔心保不住寶寶,

懷孕中期做唐氏測試,又會擔心不過關等等.....

有時旁人的「好心」提點,

反造成孕媽媽感到壓力及苦惱!

希望大家都可以給予一點空間,

始終懷孕期間,孕媽媽保持心境開朗,是十分重要的!

另外,朋友的喉舌都好容易讓孕媽媽的情緒大幅波動,

自從懷了二寶後,有少部份朋友覺得我沒有全職工作,

只靠卡樂爸賺錢,養育二個小朋友負擔會好重~~

突然之間,變得好關心我們的經濟狀況呀!!

曾經聽到朋友鬧我冇腦啦!

又會有人話我衝動生二寶啦,又會有人話時機不成熟啦!

聽完一次可能仲承受到,

但到第二、第三次時,

我個心開始覺得好沉重,覺得好難過,淚水不能止住。

明明懷孕是一件開心的事,

有時不祝福我都不要緊,

但使用言語在孕婦身上踩二腳,卻是非常殘酷!

我已經是成年人,生兒育女之事,

與卡樂爸亦考慮了良久才作出決定!

而家庭經濟狀況亦不需要其他人胡亂猜測呢。


孕媽媽的情緒有時好脆弱,

所以請大家盡量給了空間,

有時你可能以為只是一句說話,但在孕媽媽心中可能會揮之不去。

==============================

Text & PhotosLuLu

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

80後「新手媽媽」LULU, 努力學習成為好媽媽!熱愛分享媽媽忐忑心情/育兒點滴/食譜/ 日常生活趣事。我相信住家飯有著一股奇妙力量,可以拉近人和人之間距離,亦可以將不愉快的心情抹去,溫暖人心!

Follow Instagram: mami.presslogic

Share to Facebook