以為生完BB就唔駛再受痛苦 產後5種痛好折磨媽媽!

以為生完BB就唔駛再受痛苦 產後5種痛好折磨媽媽!

Uncategorized · 孕媽專區
By PressLogic on 14 Aug 2018

當經歷完生仔嘅十級痛之後,好多新手媽媽都以為終於可以同痛楚講拜拜,係時候盡情抱抱陀咗十個月嘅小寶貝。點知一落地想行過去抱起小寶貝,下身就傳黎陣陣痛楚⋯⋯唔止縫線嘅傷口會痛,就連個肚都會扯住痛。同老公呻兩句,點知老公好疑惑咁回一句:「聽講座都冇講過生完會痛嫁喎?人地生完都即刻行得走得。」的確,唔止老公冇聽過,可能連媽媽本身都冇聽過,而家就同大家一齊細數5種健康院或醫院好少提嘅產後痛!

shutterstock_666207520

1.縫線傷口痛

無論係順產嘅會陰剪開,抑或係開刀生,身上一定會有縫線嘅傷口,只要輕輕拉扯到,都會扯住痛,呢種痛楚起碼維持3日至一星期不等,直到溶線完全被皮膚吸收為止。但如果飲食不當或傷口癒合得唔理想,傷口好容易會生肉芽,當肉芽磨擦到衣物嘅時候,就會痛不欲生!尤其是會陰傷口嘅肉芽好難發現,好多時媽媽都會忍痛等到去健康院做產後檢查先至被醫生發現。

1

2.子宮痛

岩岩生完BB,子宮仲未完全收縮,當媽媽平躺喺床上會輕易摸到好似乒乓波咁大嘅子宮。一般子宮收縮痛同陣痛感非常相似,子宮會抽住抽住痛,而且痛一陣停一陣,呢種子宮痛會由產後開始維持2至3日,有D媽咪甚至會持續痛一星期。

shutterstock_615938540

3. 兩側韌帶痛

當翻身起床或伸展下半身時,子宮單側或兩側會傳來拉扯感嘅劇痛,媽媽好有可能喺生產過程中拉傷咗子宮嘅韌帶,呢種痛楚可能會維持2至6個月,呢段時期應盡量避免劇烈活動,慎防再拉傷韌帶,靜待其康復。

shutterstock_1146059993

4. 子宮脫垂

有D媽媽可能喺生產過程中用力不當,或產後拎重物、長時間企或蹲,而引起產後子宮脫垂。患有子宮脫垂嘅媽媽會感到喺下腹部、陰道或外陰部出現墜脹感;企得耐、行路或勞動時會症狀加重,只有喺平躺時先會覺得舒服。

shutterstock_1023283345

5. 恥骨痛

原來除咗臨盆會恥骨痛外,產後都有機會出現恥骨痛!恥骨係骨盆前方嘅兩塊骨頭,骨頭之間靠韌帶同纖維軟骨組織聯接起來。喺分娩嘅時候,為咗令胎兒可以順利通過,孕婦必須用力將恥骨聯合撐開,導致恥骨同周圍韌帶損傷,產生恥骨痛。所以,如果媽媽喺產後行路時,感覺下腹墜痛,雙腳難以邁開,特別係上落樓梯果陣疼痛程度會加劇,好有可能係產後恥骨痛。

shutterstock_1142150249

Text: Mami Editorial

Follow Instagram: mami.presslogic

Share to Facebook