BB戒片大作戰 係時候同尿片講拜拜!

BB戒片大作戰 係時候同尿片講拜拜!

媽媽日常須知
By PressLogic on 24 Aug 2018

好多父母都會喺小朋友到2歲左右就開始為佢哋戒片,為入學做好準備!究竟應該點幫小朋友戒片好呢?不妨參考下呢個方法!

shutterstock_512754154

先準備以下物品:

1.買一啲可愛嘅兒童廁板,男仔嘅仲可以買多一個尿兜,顏色愈鮮豔愈好,可以吸引小朋友。

shutterstock_731128546

2.準備一啲教小孩去廁所嘅書籍同影片,可以向小朋友灌輸去廁所嘅概念,亦可以激發佢哋嘅模仿心。

shutterstock_671052982

3.準備戒片褲,可以承受少少尿液,畀小朋友有尿濕嘅感覺,佢地會知道急到咩地步會瀨,瀨咗又會有咩後果。

戒片作戰正式開始!

戒尿片初期,爸爸媽媽可以畀小朋友試下喺屋企著戒片褲,出街先著返尿片。 呢個時候,爸爸媽媽一定要有耐性,因為小朋友喺頭幾日會尿尿得好密,需要不停幫佢哋換褲!小朋友可能會不停講想尿尿,可能有時有尿有時無尿,但爸爸媽媽每次都要帶小朋友去廁所,俾小朋友習慣有尿意就要去廁所。

shutterstock_1102595261

呢個時期,爸爸媽媽去廁所之前都要同小朋友講,甚至畀小朋友觀察自己點去廁所(男仔跟爸爸,女仔跟媽媽),因為小朋友好鍾意模仿大人,所以呢招效果都會好好。

shutterstock_787236082

每次小朋友成功去完廁所,爸爸媽媽都要稱讚小朋友,令佢有動力繼續自己去廁所

shutterstock_568475956

當維持咗幾日,小朋友就會慢慢學識忍尿,可以兩三個鐘先去一次廁所。當小朋友連續好多日都冇瀨尿嘅時候,父母就可以試下畀佢出街都著戒片褲,不過要記得為小朋友準備後備褲。

shutterstock_658666969

然後,小朋友就可以同尿片講拜拜!

shutterstock_1080164324 (1)

不過爸爸媽媽喺小朋友戒片嘅過程入面,一定要好有耐性同照顧小朋友嘅情緒。記住小朋友瀨濕褲係好正常,千祈唔好因為咁而鬧佢、羞辱佢,因為咁做可能會令小朋友反感同害怕。其實當小朋友心理同生理都準備好嘅時候,就可以輕鬆戒片,而大多數小朋友都可以喺3歲前成功戒片,所以爸爸媽媽亦唔駛太擔心。

shutterstock_232679125

Text: Mami Editorial

Follow Instagram: mami.presslogic

Share to Facebook