時間過得好快,襯小朋友仲係痴身嘅時候,盡情享受,盡情陪伴吧!

時間過得好快,襯小朋友仲係痴身嘅時候,盡情享受,盡情陪伴吧!

媽媽心事 · 親子相處
By PressLogic on 14 Sep 2018

有小朋友嘅你,以下嘅對白有無覺得熟口熟面咁呢?當佢地同你咁講嘅時候,你有無嘗試放低手上嘅事情,認真咁回應佢地呀?

shutterstock_625985582

小朋友天天長大,時間過左,就無得返轉頭,要好好珍惜同埋享受可以同佢地一齊成長嘅時間哦!

1. 「陪我玩啦」shutterstock_1088564771

好多外國研究,都話「玩」對小朋友黎講好重要,因為玩就係佢地嘅學習過程,學習就係佢地最重要嘅事,等同於大人嘅工作,所以「玩」真係好重要㗎!

shutterstock_1108281905

其實喺玩嘅過程裡面,都可以加入一啲學習元素,抽啲時間陪佢地玩,小朋友又開心,又可以幫助佢地學習,亦可以加深親子關係。

2. 「過黎吖,你睇吓」

shutterstock_219751495

呢句說話,代表小朋友一有新發現,第一時間最想話你知。因為佢當爸爸媽媽係佢地最好嘅朋友,想第一時間同爸媽分享。當佢地長大,就會有自己嘅朋友,依家佢地放我地喺分享對象嘅第一位,一定要好好珍惜呢段時間呀。

3. 「我想同你一齊瞓呀」

shutterstock_1036974274

雖然陪小朋友瞓真係一件睇落好輕鬆,做落可以好勞氣嘅事。但係,到佢自己講「唔洗陪我喇」嘅時候,我估我會好唔捨得,好掛住佢要我陪佢嘅嗰段時間呀,可能仲會偷偷地喊。真係諗起都唔捨得呀!

4.「好想你接我放學呀」

shutterstock_1136492420

小朋友鍾意爸爸媽媽,所以想爸媽送佢地番學,同埋接佢地放學。盡力回應一下佢地小小嘅心靈吧!香港工作忙,要接放學真係唔易,可以同小朋友解釋一下,然後再嘗試下安排,就算只係一年一次,小朋友知道係爸媽好認真咁去想辦法安排嘅,佢地一定會好開心、好滿足。

5. 「比我試吓」

shutterstock_763472899

當小朋友希望嘗試,就要畀佢地去試。當然,要考慮安全,喺適合同安全嘅情況下,講解比佢地聽應該點做,跟住先畏佢地試吓自己做,而且爸媽應該喺旁邊觀察。肯去嘗試係所有事情成功嘅第一步,要欣賞佢地,千祈唔好制止佢地肯嘗試嘅動力呀。

照顧小朋友嘅起居飲食真係好忙,但係都唔好忘記要享受當中嘅過程呀。

Text: Mami Editorial

Follow Instagram: mami.presslogic

Share to Facebook