【私家醫院生B全攻略 邊間醫療保療性價比最高?】

【私家醫院生B全攻略 邊間醫療保療性價比最高?】

媽媽日常須知 · 孕媽專區
By 理財公主病 on 17 Sep 2018

早前同大家介紹過性價比好高,可以包埋分娩費嘅醫療保險。

admin-ajax (1)

(傳送門: https://mami.presslogic.com/2018/08/07/article/33456

唔少讀者就即刻問我哋詳情,不過好多已經懷孕嘅媽媽話「點解咁遲先知道」,大呻蝕底。所以如果仲計劃緊生BB嘅你,不妨考慮一下呢個保險。同時唔好忘記,呢類計劃本身係醫療保險,保障十分唔錯!

今次想同大家分享下,呢類保險有咩保障或福利!

雖然上次同大家比較過3間公司都有提供含分娩保障嘅醫療保險,但最受歡迎都係G公司。所以今次先同大家講下點樣可以去用G公司,或者同佢類似嘅A公司嘅保障啦。

1.高端醫療保障

因為本身呢兩個計劃都係醫療保險,受保期間能有高達每年2000萬高端醫療保障。情況許可下,可以考慮將現有嘅住院醫療保險暫停,避免重複保障。

2.要注意生效期

想用到呢2間公司嘅分娩保障,就要注意一年生效期。即係保單第一年,分娩保障仲未生效,任何有關分娩嘅開支,包括產檢及分娩費,都係未可以包住。要等到第二保單年度開始,分娩保障先會生效。

如果買咗無耐就有BB,就好可能用唔到個分娩保障啦。所以想用到保障的話,情況許可下盡可能都要計劃時間表啦。

3.產前產後檢查都包

以G公司為例,15萬分娩保障係可以包埋產前、產後檢查,有需要都可以好好利用,唔好以為只係包生bb費用呀!

4.住私家房!開刀自然分娩都OK!

記住記住,以G公司為例,包嘅係標準私家房(單人房)!所以可以放心,到時記得揀返同級房,開刀抑或自然分娩都可以!

5.保健項目

以G公司為例,每年都會提供一個保健項目比投保人,最多可claim $2500作身體檢查或疫苗注射等。

點樣用最抵?

都明白BB唔係話有就有,要來都擋唔住!但都等我比少少意見點樣用到呢個保險分娩保障啦!

假設2018年10月1日保單生效,當係第二保單年度即2019年10月1日就可以有分娩保障。最快的話,就係2018年12月至2019年1月(保單生效2至3個月)時開始懷孕,當第二保單年度(2019年10月1日)即可用15萬分娩保障作分娩!不過,以上情況只係一個假設,最重要都係要以實際情況而定。

因為佢有一年等效期,所以計劃想三年抱兩,甚至四年抱三的話,可以連續投保,直到生完BB為止,咁就唔洗再等一年啦!

始終生BB都係一件開心事,保險亦都只係一個保障,所以最緊要健健康康。如果有咩問題就搵我為你解答啦!

==============================

Text & Photos:理財公主病

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

分享理財資訊,讓爸爸媽媽精明選擇,以最低成本獲得最大保障。歡迎與我聯絡:[email protected]

Follow Instagram: mami.presslogic

Share to Facebook