【小朋友口味要淡 當親子要共餐 調味料點揀好?】

【小朋友口味要淡 當親子要共餐 調味料點揀好?】

Bloggers 專欄 · 家家有廚娘
By Cherry on 18 Sep 2018

家庭主婦就梗係離唔開煮飯啦!隨住晞晞邁向2歲,已經係親子餐共食~無計真係無咁多時間再另外煮俾佢!

一齊食得當然係要就哂佢,而用調味料方面更加唔少得,少油少鹽就梗啦,但係用調味料方面你又有無諗過岩唔岩小朋友食?因為宜家成日都話驗出有問題既食物,我就真係R哂頭唔知食乜好啦⋯⋯而我屋企既油、鹽、 糖、麻油、豉油、茄汁、蒜蓉已經轉哂做有機~我唔知係咪普遍既屋企都係咁~
宜家我就介紹吓我屋企用咩調味料啦!


1. 豉油

我喺iherb買既,其實豉油既重點係在於大豆,所以宜家會揀有機多啲!而呢隻係Bragg Liquid Aminos是一種植物性蛋白調味料,源自經過健康、無轉基因成分認證的大豆。味道有啲似美極,醃嘢我就會用佢!綠盈坊有機店都有,價錢差不多!但係iherb有時遇到有折會平啲!折左30幾蚊!

2. 油

宜家係用米糠油($59),喺有機店買既,米糠油比花生油健康啲,雖然就無咁香!好處係不含反式脂肪、膽固醇含豐富營養、維他命和抗氧代劑。油質黏性低,減低煮食用油量;谷維素改善內分泌障礙及精神失調。但留意「Olitalia米糠油」和泰國生產的「Rizi米糠油」驗出致癌物環氧丙醇。


3. 鹽、糖同麻油

就係綠盈坊有機店買到既!麻油我日日都用黎醃嘢,買有機好啲,話哂長期食用!因為宜家好多糖、鹽經過加工漂白過,至於價錢唔太貴我覺得可接受!

4.  茄汁

我喺iherb買,係有機蕃茄。美國農業部有機認證、有機認證、不含人工色素或防腐劑、天然不含谷蛋白、適合素食主義者。見到aeon都有得賣! 味道比較酸!如果煮餸落返少少糖中和返比較好!

5. 蒜茸

都係iHerb 買既,因為有機蒜頭,無漂白過既,所以放心食!加少少蒸魚片都好好食!另外呢隻蒜粉煮嘢勁方便!灑幾下落去炒嘢勁香

其實以上部分調味料喺綠盈坊有機店都搵到,買夠300蚊做會員 之後買嘢都有折!

Iherb我覺得好好買因爲佢雲隻住好多superfood 有機呀 supplement 日用品bb嘢丫嗰啲!而且又平啲,不過就係急用就唔方便囉,當然平啲就梗係要等送黎!宜家仲有75折code *OLYMPIA* ,全部商品適用!可用朋友code: *HER7291* 5% off !真係超平300幾蚊可以從美國免運費送過來!活動截至:*Offer is valid for a one-time use and ends September 17, 1pm (Hong Kong time) Restrictions apply.岩岩試左仲用得!

==============================

Text & PhotosCherry

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

我家中有一隻出世時臍帶繞頸兩圈的馬騮女-Hailiah 晞晞。曾全奶粉到回奶後決心再度泌乳到全母乳,喜歡分享母乳心得、育兒資訊、煮BB餐、幫BB扮靚影相買嘢...最愛ig&fb及身患分享症的八十後媽媽。IG ID: Hailiah27

Follow Instagram: mami.presslogic

Share to Facebook