【九展BB展必買旬貨 童裝抵到爛 大量嬰幼兒食品特價發售】

【九展BB展必買旬貨 童裝抵到爛 大量嬰幼兒食品特價發售】

Bloggers 專欄 · 靚媽鬆一鬆
By 嶠媽 on 12 Oct 2018

一年一度九展BB展今日開羅啦!今日嶠媽就一早入左去,買左好多好多零食!除左比細佬,當然就係買比芊嶠啦!買下買下,都真係停唔到手!等我又介紹下我買左啲咩平野啦!

不得不提,就係 mothercare booth,嘩嘩嘩!勁多人呀!因為入面真係好多平衫買,但你預左係轉季款,好多媽媽都買定下季著,點解?因為真係平到你都忍唔到手!

有好多七彩顏色嘅衫,有$20、$30、$40款,花多眼亂!要每款睇真係手都軟埋!

仲有襪仔,襪仔唔洗講季節,真係一年四季都啱著!$40/set (有3對襪仔架)。

第一樣必推零食,my little one 嘅「藜麥泡芙」,佢最特別啲就係用藜麥做,而且食落口真係好好味架!嶠媽4隻味都食左,真係停唔到口!其實做媽嘅冇咩要求,小朋友健康冇病冇痛就ok!食零食食幾多好?好難控制喎!咁倒不如媽媽揀健康嘅零食比佢?藜麥好處多多,你地都可以去了解多啲!

另外,除左零食,仲有碗賣,碗?有咩特別呢?佢地分別有3隻唔同嘅碗:「出去碗、八月碗、寶溫碗」。出去碗,聽個名都知係拎出街用,打開有個位攝住隻匙,蓋後有位攝住剪刀,方便好用;八月碗,即係八月大開始用得,好鐘意佢嘅設計,係就返大人手嘅孤度來返計,方便爸媽抓實個碗,而且碗內邊邊有個位,可以比爸媽磨爛啲食物,同埋佢有雙層設計,咁就唔怕粥仔太熱,拎唔到上手;最後,寶溫碗係新設計,可以打開個碗,將熱水倒入膠碗,再放返不鏽鋼碗係上面,再有碗膠 lock 返實,咁就唔怕會鬆開,小朋友危險!仲有嘅係,底部有埋吸盤碗,唔怕小朋友掃落地,仲有仲有,最吸引係,粥仔凍左可以用熱水坐熱,平時粥仔太熱都可以放少少凍水坐暖佢,真係好貼心嘅設計!3款碗最令人欣賞嘅係,所以配件都可以拆開來洗,咁就唔怕會出玩洗唔到而發霉嘅情況啦!

同一 booth,就係隔離,嶠媽又認識多左一個品牌,就係 Kendamil,平時嶠媽一定會二話不說走人!但因為劻霖見到有奶似就眼金金!而且嶠媽見到佢地係用全脂奶來製造嬰幼兒奶粉,令我想了解多啲!其實坊間真係未見過!本身嶠媽係好鐘意飲全脂奶,而芊嶠劻霖平時都係飲全脂奶,其實小朋友係好需要脂肪嘅吸收,但偏偏大人就要避開脂肪,因為怕肥!但小朋友係發育時期,係好需要脂肪哩樣野,如果媽媽會揀奶粉,都可以考慮哩一款,因為佢地係用全脂奶製造,唔係用半脂/脫脂奶,再加其他油等等嘅野去加返啲脂肪落去!想知有咩唔同?可以到時去了解一下!

之後又介紹下濕紙巾啦,都係湊 baby 必須品,大左都仲需要,因為食飯都要用幾張!Baby Swipe 濕紙巾,$80/10包 (20片裝) & $160/6包 (70片裝),好抵用!同埋佢夠濕夠潤,又唔會話滴哂水咁樣!

哩款零食不得了,太出名啦!嶠媽都要入貨!Wel • B 嘅冷壓水果片,$300/18包,嘩!勁抵!咩味都買啲,但主力買士多啤梨!另外,買滿$350就會送一包離莓乳酪片,嶠媽就加左一盒$75買夠$350,如果抵買嘅就梗係$250/4盒啦,一盒有6包獨立包。

仲有 Peppa Pig 迷一定唔可以錯過,有 Peppa Pig booth,令我不得不入手!買左泡手泡泡,$48/支;Peppa Pig 欣欣杯,$8/杯,$28/盒 (有4杯);Peppa Pig 口罩,好靚,$25/包 (5個),$60/3包 (15個)。買滿$50以上,就送一樽「Peppa Pig 牛奶味手指餅乾」。

另外,果蓉都係必買,因為芊嶠和劻霖都好鐘意食果蓉,Ella’s Kitchen 今次果蓉做緊特別優惠:$50/盒 (只限橙色盒);$250/4盒 (粉紅 & 紫色盒);乳酪果蓉 $100/6包;小食 $100/5包。

另外,米奇車車,都只係$20/架!

雖然我兩個小朋友都算大,但今次都幫姑仔睇下啦!Lascal M1 Carrier 備有特別嬰兒座墊給新生兒體重3.5公斤使用,直至3-4歲,體重15公斤 (33磅),創新和配合人體工程學設計,由細用到大,真係好抵用,$1,080咋。仲有唔少得bb車,Lascal M1 Buggy 連踏板套裝,好似嶠媽咁有兩個唔同年齡嘅小朋友就啱用啦,套裝價:$3,580。

Bloom & Grow 就最齊全,咩都有得買!嶠媽買左 baby bib 比劻霖用,$129;手印 $99 & Lil Fraser wrap $249,仲有 Skip Hop 實用媽媽袋 $199 比姑仔做禮物。

Peppa Pig 迷要留意啦!星期六、日仲有 Peppa Pig 見面會,只限哩兩日咋!

嶠媽買到一車都係,經媽媽介紹,仲用 Lalamove app 搵車,本身$60由九展去鑽石山,但即場有$10優惠 code,咁我就只係用左$50就返到屋左樓下!好方便,啱哂我雖啲一拖一,又bb,又bb車,又5、6袋戰利品嘅媽媽!

最後,為大家送上我嘅戰利品大合照!

==================

Not Too Big 優質母嬰用品展

日期:2018年10月11-14日

地點:九龍灣國際展貿中心3樓匯星 Star Hall

Facebook:https://www.facebook.com/NotTooBigHK/

==============================

Text & Photos:嶠媽

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

育有一仔一女,芊嶠和劻霖,生左芊嶠後,就成為左全職媽媽,開始係Facebook寫blog,之後再開blog,有係其他平台分享,目的是想同大家分享樂事,分享好去處!

Follow Instagram: mami.presslogic

Share to Facebook