爸爸媽媽要小心 嬰幼兒最常見嘅4個家居意外同預防方法

爸爸媽媽要小心 嬰幼兒最常見嘅4個家居意外同預防方法

媽媽日常須知
By PressLogic on 12 Oct 2018

湊BB之所以辛苦,除咗因為BB會經常因為各種需要而哭喊外,仲因為當BB逐漸長大,活動力愈嚟愈強,加上好奇心旺盛,會經常做啲危險舉動,如放唔同嘢入口、拉扯枱布等,真係睇少眼都會出事!以下4個係嬰幼兒常見嘅家居意外,爸爸媽媽都要時刻保持警覺,避免BB會發生呢啲意外呀!

shutterstock_728511097

1. 跌傷

最常見嘅嬰幼兒意外,好多時係因為BB到處攀爬、步履不穩、雜物絆倒等原因引起。跌傷輕則會令BB擦損,重則會造成骨折、甚至腦部出血等嚴重症狀。

shutterstock_743996107

預防方法:

爸爸媽媽應該經常清理好地上嘅玩具同雜物。
喺小孩學習走路期間,爸爸媽媽應貼身照顧。
將孩子或嬰兒放置喺高處時應該有大人看管。
保持地板乾爽。
嬰兒床欄應經常關上。
小孩坐喺小童座椅時,需要扣上安全帶。
門窗要經常上鎖,窗口應加上窗花 / 欄,以防墮樓。
切勿放置任何可以作為踏腳用嘅物品喺窗旁,如小坐椅、木箱等,以免小孩攀爬。
注意嬰兒手推車之安全,以免翻倒受傷。

shutterstock_645896563

急救法:

1) 保持鎮定。如有需要,立刻召援。
2) 檢查小孩/嬰兒的清醒程度。
3) 檢查小孩/嬰兒氣道是否暢通(可否哭叫、說話),呼吸是否足夠及血液循環是否正常(觀察面色、呼吸深度、呼吸速率等)。
4) 如小孩呼吸及血液循環正常,檢查有否其他受傷。
5) 如有出血情況,檢查傷口有沒有異物。如無異物,可用一些清潔敷料覆蓋傷口,並用手在傷口上加壓止血,與及把傷肢提高,減少出血。
6) 如受傷部位出現任何變形或腫脹,切勿移動傷處,立即召援。

2. 燙傷

當嬰幼兒觸碰到熱水、火或熾熱嘅煮食用具時,都有機會出現唔同程度嘅燙傷。

shutterstock_457240078

預防方法:

大人避免一邊拎著熱飲、熱食,一邊拖著小孩。
喺餵食小孩同嬰兒前,先檢查食物嘅溫度係咪適中。
教導小孩唔可以進入廚房內,並喺廚房出入口設置欄柵,欄柵應經常關閉。
煮食時應小心爐火,將煮食用具如鑊、煲之手柄置靠牆邊。
同小孩沖涼前一定要先試水溫。
所有燙熱嘅食物、飲品、用具如熨斗等應妥善放置,唔可以放喺枱邊,盡量避免使用枱布,以免小孩拉動而打瀉枱上物件。
火柴同打火機應放喺小孩接觸唔到嘅地方。
電源插座要有安全罩。
警惕小孩唔好玩火。

shutterstock_341309876

急救法:

1) 保持鎮定。如有需要立刻召援。
2) 檢查小孩/嬰兒氣道是否暢通,呼吸是否足夠及血液循環是否正常。
3) 如呼吸及血液循環正常,檢查身體被燒傷或燙傷之部份。
4) 用水沖洗被燒傷或燙傷之部位約10分鐘。但如小孩感到寒冷或顫抖,立即停止沖洗。
5) 用清潔敷料小心弄乾傷處,並以敷料遮蓋傷口,用繃帶固定。
6) 勿胡亂在傷口塗上牙膏、豉油或其他膏劑。
7) 切勿將水泡刺破。
8) 切勿除去黏在傷處的衣物。

3.窒息

誤吞異物、頸部被繩索緊繫、被厚棉被蓋過面部、俯臥姿勢睡眠時被枕頭影響呼吸同遇溺等。

shutterstock_77905141

預防方法:

小心選擇玩具,留意玩具有冇容易脫落嘅細小組件。
家中細小物件應放喺小孩接觸唔到嘅地方。
窗簾繩索要縛好同剪短令小孩接觸唔到。
家中繩索同膠袋應妥善貯存喺小孩接觸唔到嘅地方。
摺檯/摺椅應設有安全扣同妥為擺放,教導小孩切勿當作玩具。
教導小孩唔可以一邊玩耍,一邊咀嚼食物。
唔應該畀小孩同嬰兒喺冇成人監督下自行使用奶樽。
一歲以下小孩瞓覺時唔可以用枕頭,床上亦避免用太大太重嘅被舖,時刻檢查被舖帶冇遮蓋小孩嘅面部。
大人應避免同嬰孩同睡。
唔可以畀小孩獨自留喺裝咗水嘅浴缸或浴盤中。
有水嘅水桶應蓋好,唔可以畀小孩接近。

shutterstock_748595404 (1)

急救法:

1) 保持鎮定,立即將引致窒息之物件移離患者。
2) 立刻召援。
3) 如有需要,進行心肺復甦法。

4.中毒

中毒原因包括食物中毒、兒童誤服家中貯存的藥物、清潔劑同殺蟲藥等。

shutterstock_641300683

預防方法:

家中藥物、化學物品等應放置喺小孩接觸唔到嘅地方,最好可以放入一個可上鎖嘅櫃內。
藥物、化學物品等應存放喺原來嘅容器內,並貼有清楚嘅標籤。
唔應該同小孩講藥物是「糖」、「糖水」等,以免令小孩有錯誤印象。
選擇玩具或食具時,留意上色顏料有冇含有毒成份。

shutterstock_72984853

急救法:

1) 保持鎮定。立刻召援。
2) 檢查氣道是否暢通,呼吸是否足夠及血液循環是否正常。
3) 如有需要,進行心肺復甦法,但施行人工呼吸時,小心避免接觸任何毒物/化學物。
4) 如傷者昏迷但氣道暢通、呼吸及血液循環正常,把傷者置於側臥位置。
5) 收集患者服過的藥物及嘔吐物,交予救護人員。

雖然有時意外係好難避免,但爸爸媽媽都應該盡量做好預防措施,提醒主要照顧者有關上述嘅預防措施,減低寶貝仔女出現意外嘅機會,因為一時嘅疏忽可能會導致一生嘅遺憾!

Text: Mami Editorial

Source:香港消防處

Follow Instagram: mami.presslogic

Share to Facebook