破解孩子飲食迷思!高溫煮食多鑊氣 小朋友食得多易便秘?

破解孩子飲食迷思!高溫煮食多鑊氣 小朋友食得多易便秘?

媽媽日常須知 · 家家有廚娘
By PressLogic on 16 Oct 2018

媽咪親自下廚煮飯,當然想俾小朋友食到最天然又有營養嘅食物,不過有時屋企老人家炒餸都追求「香口」、「有鑊氣」,不時有媽咪擔心:小朋友食得多,會唔會搞到「熱氣」而便秘呢?

其實研究指出,便秘嘅成因一般有兩個,一係飲食習慣唔均衡,一係因為運動量不足導致大腸蠕動過慢。就飲食而言,要注意小朋友平時會否多肉少菜、飲水不足,令佢容易有便秘。但媽咪要注意烹調方法會否令食物難消化,例如切忌過份追求食物要煮得「香口」。因為如果食物被過度加熱,會令天然營養流失,同埋加熱過程令天然營養結構被破壞,小朋友食得多就會出現腸胃健康問題!

shutterstock
Photo from shutterstock

原因係煎、炸、烤等高溫煮食方法,唔單止油膩,增加反式脂肪、油、鹽、糖嘅攝取量,小朋友過量進食容易導致肥胖等問題。而且當煮食溫度高達180度,食物入面嘅蛋白質結構會受到破壞或被醣化。以煎魚為例,高溫會破壞魚肉中蛋白質嘅天然營養結構,受破壞嘅蛋白質會聚集成聚合物(Aggregation)及產生醣化作用(Glycation),令食物變得難以消化。長遠對腸胃發育未成熟小朋友嚟講,會減弱消化能力同營養吸收㗎!

shutterstock
Photo from shutterstock

所以想小朋友食得健康,就要學識靈活變換烹調方法。例如多用清蒸、烚、灼等低溫烹調方法,溫度保持喺水沸點100度左右,保留營養又健康。而且喺食材配搭上多花心思,即使口味清淡都可以吸引到小朋友!

shutterstock
Photo from shutterstock

小朋友飲食都咁講究,奶粉就更加要小心挑選。同樣地,蛋白質係牛奶主要營養,如果奶粉喺生產過程中被反覆及過度加熱,一樣會令蛋白質天然結構被破壞,引起消化問題。

媽咪可留意市面上有啲奶粉,能夠將新鮮採集嘅牛奶進行單次提煉,蛋白質只需經過一次必需嘅適溫處理,充份保存蛋白質的結構較接近天然狀態,幫助消化吸收,鎖住營養,等BB唔會因未能消化嘅蛋白質而引致腸胃敏感。

想全家都肚仔輕鬆,BB小朋友都健康成長,爸媽真係要識煮又識揀呀!

了解更多:https://goo.gl/ts48VU

Sponsored By Friso

Follow Instagram: mami.presslogic

Share to Facebook