【蛋仲有咩食法? 芝心三文魚蛋餅點食都得!】

【蛋仲有咩食法? 芝心三文魚蛋餅點食都得!】

Bloggers 專欄 · 家家有廚娘
By 許許 on 21 Oct 2018

關於雞蛋,我每日都一定會比Bella食一隻。

煎蛋炒蛋只會偶爾整,因為實在要用上太多油。經常整嘅都係烚蛋,但有時佢食得太多會食厭,同埋最近只食蛋白,拎個蛋黃黎玩。如果蒸水蛋,就要考我耐性考佢定力,因為太軟滑關係,會有時多手有拎就散,搞到成地都係,所以我最近好鍾意整呢隻蒸蛋餅!

蒸蛋餅好處係唔使油,又夠實,用叉又得拎住又得,而且仲可以加入餡料。

今次呢款係《芝心三文魚蛋餅》,同樣有芝士都已經唔使再落鹽,而且亦蓋到蒸三文魚嘅腥味,

做法仲易過蒸水蛋。


材料:

一隻蛋,適量三文魚切粒,適量芝士

做法:

先把蛋打勻,芝士在掌心壓成芝士糰。

在小砵中舖上微波爐保鮮紙(唔想用保鮮紙,用牛油紙,或在碗中接觸到蛋液的地方預先掃點食油都可以)

倒入蛋液,再把三文魚粒沿邊均勻放入,再在中間放入芝士糰。

水滾後,隔水蒸12分鐘,即成。

抽起保鮮紙,蛋餅已成型。

將蛋餅切件比BB食,快脆一餐又Yummy!!

==============================

Text & Photos : 許許

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

未生小Bella前非常慢活, 愛hea即hea是個自由人, 而家當上新手媽媽全職帶娃, 雖然每日只有忙與累, 但跟小BELLA嘻嘻哈哈過每一天, 看著她在歡樂中成長原來更有趣~ 從前喜歡分享美容, 生活, 入廚及旅遊樂, 如今更有機會寫下更多育兒誌, 歡迎到我地FACEBOOK專頁瀏覽更多生活趣事分享及參與送禮活動~ FB專頁: www..facebook.com/huihuiplayground

Follow Instagram: mami.presslogic

Share to Facebook