【BB生濕疹 方法千其唔好亂咁試】

【BB生濕疹 方法千其唔好亂咁試】

Bloggers 專欄 · 媽媽日常須知
By j_and_mama on 23 Oct 2018

濕疹真係令人好困擾,BB患濕疹更加令媽媽們困擾。

我由細到大都有濕疹,一轉天氣手腳就俾我R到爛,及及都逃唔過濕疹嘅厄運。由初生1個月就有濕疹。及及因為開始有濕疹時冇好好處理,搞到爛面又出水又結珈,連淋巴腺都睇到,嚴重到連醫生都嚇親!好彩有及時睇醫生,可以控制到病情,如果唔係就可能要食抗生素。

媽媽們要謹記:

1. 不要胡亂試

千祈!千祈!千祈唔好亂咁幫BB用任何冇根據嘅處方,唔好抱住「試下先」嘅心態,我明白好多媽媽一緊張就咩都想試,但係BB皮膚太幼嫩,亂咁試會好容易出事!及及一開始就因為試咗用金銀花煲水,搞到爛臉!

2. 不要偷懶

保濕對濕疹BB係非常非常重要!濕疹BB最怕皮膚乾,皮膚一乾濕疹就會開始出現,所以媽媽們一定唔可以偷懶,每日最少幫BB搽2-3次lotion。及及一出世皮膚就超級乾,記得接佢出院嗰時,姑娘同我講佢嘅皮膚太乾,幫佢用花氏令受佢搽咗成身,姑娘仲特登俾咗支lotion我拎番屋企幫及及搽,不過唔知原來要keep住搽,最後及及皮膚太乾,1個月到就開始有濕疹!

3. 不要抗類固醇

相信好多媽媽一聽到類固醇就即刻say no!不過有時候用類固醇係想令BB唔好再受皮肉之苦,見到及及爛手爛面真係好心痛,我都曾經被濕疹煎熬過,絕對明白有幾辛苦。當然唔係話要不斷咁keep住搽,只係見到開始嚴重嘅時候就要薄薄地搽,令到唔好再惡化,記得要聽醫生指示呀!

各位濕疹媽媽加油,祝你地嘅寶貝早日同濕疹say goodbye!

==============================

Text&Photos:j_and_mama

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

一名在職港媽,仔仔Jacob (及及) 係個開心寶寶,我地每日都共同成長,想同大家分享我地嘅生活無聊事,發放正能量俾爸媽們

Follow Instagram: mami.presslogic

Share to Facebook