【秋高氣爽去野餐 帶住BB睇海景】

【秋高氣爽去野餐 帶住BB睇海景】

Bloggers 專欄 · 親子好去處
By Pig Wing on 23 Oct 2018

過左中秋後,天氣真係舒服好多!仲要呢2個星期六、日都好好天,所以我連續2星期都帶左蠔豉妹妹去野餐。

因為要就埋朋友仔,所以2次都係去九龍區既草地野餐。

佐敦谷草地

1

人多到不得了!我估就好似商場咁多人。不過,草地都好大,不過又超級曬,無乜陰涼位。由於大家都好好會留返中間俾小朋友玩,所以野餐既位大家都迫埋一齊,你嘅前後左右都會有其人野餐嘅人。

2

而且個草地喺一個小山丘上,蠔豉妹妹宜家都唔算行得好穩,所以佢都有啲驚。

3

加上草地都俾人踩到變泥地咁上下,所以都一般般。同埋呢到無育嬰室,但係公廁入面有換片枱。

4

至於剛剛呢個星期去既草地就perfect!
啟德郵輪碼頭天台公園

5

其實郵輪碼頭有2個草地,一個係地下,比較多人既,不過都比較大,都有佐敦谷咁大。另一個就係上2樓,草地就細好多,不過人少少,又係平路,仲要唔太曬有海景!所以我地就係呢到落腳。

6

呢到好多新人黎影相!當日已經有3對新人,佢地用完既汽球仲送左俾蠔豉妹妹玩。不過玩左幾分鐘已經吹走左。

8

仲有,呢到有間細既育嬰室,比起佐敦谷係公廁入面既換片枱當然更好。大家都快啲襯呢排好天氣,一家大細去野餐啦。

==============================

Text & Photos:Pig Wing

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

一家5口,3個人類,2隻貓星人!作為一個新手媽媽!堅決繼續密密食!密密買!密密去旅行!

Follow Instagram: mami.presslogic

Share to Facebook