【全職媽媽見證寶寶成長每一刻 放棄工作不談後悔】

【全職媽媽見證寶寶成長每一刻 放棄工作不談後悔】

Bloggers 專欄 · 媽媽心事 · 親子相處
By Chrissie on 25 Oct 2018

曾經有人問我:「你咁後生留係屋企全日湊住BB唔會後悔咩?成日係屋企唔悶咩?你揾人睇住呀囡就可以去翻工喇!」

首先,我個人認為BB嘅成長階段好重要,而且佢哋大得好快,作為媽媽嘅我好想珍惜佢成長嘅每一個寶貴時刻。冇錯!我年紀尚輕好多野都未試過,未做過,但我覺得BB的成長之路比我的青春還重要!

每一次見到紫晴有新嘅行為,動作我都會好開心,而且好感恩我可以一直陪伴佢長大。

的而且確有時係屋企太耐真係會有啲悶。我會趁呀囡瞓覺嘅時候做一啲自己鐘意做嘅野去減壓,例如睇下Facebook,youtube等等,又或者等老公收工出街食個飯放鬆下自己。而老公亦相當識做放假嘅日子都會留俾我地。

自從知道有咗紫晴之後我就辭去原先既工作,好好留係屋企安胎準備做一位全職媽媽。

小朋友出世黎到呢個世界上係一張白紙,佢地咩都唔識,唔知咩係岩,咩係錯。而我地作為家長嘅其中一個責任就係好好教導下一代。

Screen Shot 2018-11-05 at 6.22.41 PM

我自己好深信一點「言教不如身教」。而最好嘅教導方式就係「身教」,小朋友嘅吸收能力好快而你就好似一塊鏡咁,你做啲咩,佢就會跟住做啲咩。

呢個咁重要既事情上我覺得我唔應該假手於人,而人地亦冇責任要教導好你既小朋友。最大嘅責任都係落嘅我地為人父母既身上。我唔敢講我會教得囡囡好好,我只能夠講我會盡自己既努力好好教導佢。

小朋友真係大得好快,眨下眼紫晴已經8個月大了。能夠一直照顧佢,見證住佢既成長真係一件好寶貴嘅事情,亦都要好感謝老公支持我做全職媽媽。

==============================

Text&Photos:Chrissie

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

我叫Chrissie 是一位90後媽媽,囡囡於2018年2月25日出生。 雖然年紀輕輕但在照顧囡囡的時候「邊做邊學」慢慢地學習到更多育兒知識,目的全因爲寶貝女兒紫晴Jessica。

Follow Instagram: mami.presslogic

Share to Facebook