【學習尊重母乳媽媽 鼓勵支持先係最重要】

【學習尊重母乳媽媽 鼓勵支持先係最重要】

Bloggers 專欄 · 媽媽心事
By 90後P牌媽咪 on 01 Nov 2018

喺餵母乳嘅路上,有時都覺得自己算係比較幸福嘅一群。因為屋企人對呢個Topic無咩太大意見。但有時旁人有啲說話都係會刺傷我嘅心,令我會覺得好不被尊重。唔知媽媽們又有無遇過呢?

1. 「我見XXX個陣啲奶多,你都算少喎!」

聽到呢句真係心都煩!點解好地地要比較我同其他媽媽嘅奶量?真係認識母乳都知,多奶唔代表好,其實只要足夠bb食,就夠架喇!真係無咩必要咁樣去比較。

2. 「定係你去廁所餵bb食/泵奶啊?都幾乾淨啊!」

唉,雖然我都知啊b好餓好需要餵佢食,但我都唔想佢係廁所食,正如我地大人都唔會係廁所食飯一樣,隔離d人喺到大小二便,而我bb就係到食奶真係感覺好奇怪。我寧願用餵奶巾遮住係街餵都唔想佢係廁所食。

3. 「bb呢排瘦左係咪你啲唔夠營養啊?」

其實bb都會隨住年紀長大,唔會永遠都係呢個肉肉感。而人奶亦會隨住佢年紀改變當中嘅營養,唔會變到無營養架!

4.「辛苦咪唔好餵!」

有時攰總係會呻一兩句唔想餵,但都係志在講下,舒發一下。但屋企人就只會講:「辛苦咪唔好餵。」語氣上、態度上完全無支持/體諒嘅感覺,語氣仲好惡。其實我都係想聽一句「辛苦晒!加油你得架!」

5. 「佢又喊,肯定係你唔夠奶啦!」

初生而又餵人奶嘅bb一個鐘就喊一次其實係十分正常,佢地初初黎到呢個世界又唔習慣,個胃又細,喊其實真係無咩大不了。加上岩岩生完真係會有勁多奶咩,佢唔夠就啜,我地又會多奶啲,佢又會飽啲。所以唔一定係自己無奶!反而要多啲鼓勵先岩!

除左以上5句會有時吉傷人,相信好多母乳媽媽都有遇到唔同嘅負面經歷,但為左bb我地都要撐住,互相鼓勵支持!唔岩聽就唔好放心!或者搵朋友呻一呻!加油!

===============================

Text & Photos: 90後P牌媽咪

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

90後Fresh Grad媽媽,畢業不足半年做左媽媽,兒女係上天比我最大既祝福。充滿正能量既我,雖然年紀較細,人生經驗唔多,但懷孕過程中,令我對於育兒、教導亦有多左一番心得。希望藉住文章、Facebook Page帶到更多正面信息比一班同行者,同時記錄我懷孕過程同寶實既一點一滴。

Follow Instagram: mami.presslogic

Share to Facebook