【紅斑狼瘡不容忽視 荷爾蒙變化或會加速病情惡化】

【紅斑狼瘡不容忽視 荷爾蒙變化或會加速病情惡化】

Bloggers 專欄 · 媽媽日常須知
By 理財公主病 on 06 Nov 2018

最近同一位護士朋友傾計,想了解佢會擔心邊類型疾病。除咗三大殺手,癌症、中風及心臟病外,原來佢最擔心嘅就係「紅斑狼瘡」。呢個病會令到患者感到強烈痛楚,以及很多不同情況發生。雖然並唔係一個不治之症,但女性卻不能忽視。

唔好比個名誤導,「紅斑狼瘡」並唔係一種皮膚病,而係一種自體免疫系統性疾病,一般較嚴重嘅就係「系統性紅斑狼瘡病」。我地嘅免疫系統係用來抵抗外來細菌及病毒嘅侵襲。若有細菌入侵我地身體,免疫系統就會自動啟動,不同種類嘅白血球同淋巴細胞就會出來對抗外來入侵細菌和病毒。而「紅斑狼瘡」就係身體有唔正常淋巴細胞反應,本來係對抗外來入侵細菌同病毒,但變左製造一啲球蛋白來攻擊身體內既組織。

其中,腎臟就係一個最易受到攻擊嘅器官,因為腎臟係由許多微絲血管組成,負責過濾身體排泄物,血液流量很高,而球蛋白就係血液內流動。如果血液帶有有害蛋白的話,腎臟就係接觸有害細胞及抗體最多嘅器官。所以係「系統性紅斑狼瘡病」內,百分之五十既病人都會患上不同程度狼瘡腎炎。

shutterstock_1087946702

「系統性紅斑狼瘡病」男女患者比例達到1比9!而20至40歲年輕女性係發病高危群。因為女性荷爾蒙對病症有大影響,所以尤其懷孕中女性患者會因荷爾蒙變化而加速惡化情況,而收經後女性發病率及復發率均會減少。

Screen Shot 2018-10-31 at 6.56.53 PM

各位媽媽可以留意以下幾點,盡可能預防「紅斑狼瘡」嘅出現。係每日出門前,謹記搽防曬霜,因為紫外線係發病因素之一。另外,應注意皮膚嘅護理及多補濕,少用含化學成分產品。飲食方面,可以多食奶製品、飲牛奶及果汁等含豐富維他命D及鈣質的食物,少食高脂多鹽的食物。仲有,每日早睡早起,唔好比自己過度疲勞,平日多做運動。呢啲生活習慣每個人都知道,但要每項都做到確實不容易。

==============================

Text & Photos:理財公主病

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: [email protected],我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

分享理財資訊,讓爸爸媽媽精明選擇,以最低成本獲得最大保障。歡迎與我聯絡:[email protected]

Follow Instagram: mami.presslogic

Share to Facebook