知道自己有咗BB之後 大把嘢要學 準媽媽喺懷孕期應做嘅3件事

知道自己有咗BB之後 大把嘢要學 準媽媽喺懷孕期應做嘅3件事

孕媽專區
By PressLogic on 04 Dec 2018

當知道自己懷有BB嘅一刻起,相信媽媽們都會萬分雀躍,急不及待見到BB,正式成為媽媽嘅一分子!不過照顧BB絕對唔係一件簡單嘅事,你有足夠嘅育兒知識嗎?不如趁住呢10個月嘅悠長孕期,好好裝備一下自己!等BB出世之後都唔會手忙腳亂!

shutterstock_11953294001. 加入媽媽會

準媽媽們有冇試過喺母嬰健康院門外,畀幾個手持傳單嘅姨姨們包圍呢?通常呢啲姨姨都係各大母嬰品牌嘅員工,負責招攬準媽媽加入媽媽會,佢哋會叫準媽媽填寫一啲基本嘅懷孕資料,然後送返相應嘅BB禮品畀準媽媽。值得注意嘅係,有啲品牌會根據媽媽嘅懷孕周數送奶粉、保溫壺等;亦會定期舉辦講座,教授實用嘅育嬰知識同技巧,而參加後會送贈嘅禮品亦相當豐富,包括三角枕、媽媽袋、尿片墊等,相當實用!

2. 加入媽媽group

當自己有咗BB後,最好梗係有一班有相同處境嘅準媽媽戰友互相支持同鼓勵!由大家一齊陀住BB講懷孕注意時項、生完BB後嘅坐月食療、到BB舉辦生日等等,都有一大班媽媽齊齊分享經歷同傾心事,完全唔怕會有產後抑鬱!

shutterstock_708610435

3. 學習照顧初生嬰兒技巧

即將要成為媽媽,當然要事先學識點照顧好自己個BB!除咗聽講座外,媽媽都可以睇書或影片學識照顧初生BB嘅技巧,如抱BB嘅手勢、點餵母乳、點為BB沖涼、換片、掃風等等,真係有好多嘢要學呀!

shutterstock_1040014360

Text: Mami Editorial

Follow Instagram: mami.presslogic

Share to Facebook