【生完寶寶仍要面對嘅3大事情】

【生完寶寶仍要面對嘅3大事情】

Bloggers 專欄媽媽心事
By 90後P牌媽咪 on 06 Dec 2018

數數手指,依加都差不多生完有十個月了。望住小恩恩由一粒飯團,咩都唔識,變到依加愈黎愈似一個人仔,真係好唔捨得!有時都會諗返起岩岩生完嘅時候!當初以為生完就會輕鬆啲,因為唔洗再陀住bb周圍走、又可以坐月,感覺好似放大假咁。但其實,生完之後,仲有好多難以忘記要面對嘅事情!

1. 生完bb後要盡快去到小便

因為我係順產媽媽,印象中好似生完6個鐘係要去到小便。個陣姑娘比左個尿兜我去廁所,坐左上去,明明感覺到有尿意,但就去唔到!!畢竟剛剛生完又要縫針,都叫做傷口吖,個人就好驚要去小便!但去唔到又會插尿喉,搞到個人仲大壓力。想用小小力,但又怕個傷口會爆(其實係咁易爆)。最後係好似哄小朋友咁,對住自己講"雪雪雪",但好似都搞左成半個鐘先去到。

2. 坐係到嘅不適

雖然順產媽媽比開刀媽媽可以快落床,但落左床再坐個下,都真係有點痛同唔舒服,褲仔又痴住塊墊,坐個下又會頂住,每次坐底都係十分緩慢,好怕整到個傷口!個陣我仲要無帶水泡去坐 嗚嗚!好彩個陣廣華有個細水泡仔先坐得舒服啲!(感恩生完後第二日已經順利地習慣)

3. 很忙碌嘅生活

生完元氣大傷,當以為可以過一隻懶豬嘅生活就太天真了~由佢出左世開始,就不停要換片、餵奶、換片、餵奶,狂Loop!因為我係餵人奶,一生完基本每兩至四個鐘,就要叫醒bb食奶(個陣我仲係較鬧鐘叫自己餵奶的)然後仲要Check住要唔要換片,因為初生b真係好多poopoo,出左院返到屋企一樣都係過住食野、換片、餵奶嘅事情⋯⋯

回望返過去經歷嘅點滴,就會發現再辛苦嘅事都會過去,見到佢開心健康成長,已經係做媽媽最大嘅願望!為左寶寶,我地係無野做唔到架!雖然當日日子好難過,但有呢種經歷真係好特別!第時同bb講返都應該幾有趣!(要佢識錫媽媽!)

==============================

Text & Photos90P牌媽咪

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: mami@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: mami.presslogic


Share to Facebook