【無啦啦便秘?可能係呢個冬天做少左樣野】

【無啦啦便秘?可能係呢個冬天做少左樣野】

Bloggers 專欄媽媽日常須知
By 僑蛋媽 on 17 Dec 2018

早前天氣越黎越凍啦,唔知點解僑蛋啲便便就越黎少,由初初既一日一次,到後來兩日一次...三日一次...到最後變成四日一次...啲便便又越黎硬..然後連最差既山羊屎狀都出埋黎。次次便便都谷到臉仔紅紅喊哂口咁,睇到我個心都痛哂。

我問過好多媽咪佢地提供左好多唔同既方法,例如食益生菌啦,食火龍果啦,用凡士林啦,用油甘條啦,結果通通都唔得..

如是者一日復一日,一日擔心過一日。

直到呢幾日僑蛋突然日日有便便,做媽咪既開心之餘就開始研究到底呢幾日有咩特別野令到僑蛋便便咁暢通...

shutterstock_1154719492

結果真係令我意想不到...居然只係因為我換左個保溫水杯!

原來我之前一直用普通吸管杯,天氣凍左啲水都跟住涼左好多,所以僑蛋一日飲好少水,然後水份太少,所以就便秘。我實在太粗心大意居然無諗到呢個原因,仲以為佢真係唔口渴先唔飲水。

不過便秘既原因又點會只得一個呀?如果BB便秘仲可以用咩方法解決?

1)係肛門附近敷上浸左暖水既棉花,再搽少少凡市林,除左可以刺激肛門肌肉排便外,仲可以做到潤滑功能令BB便便無咁痛。

2)食多啲有助排便既生果例如:西梅,火龍果,麒麟果,木瓜,蕃薯等等。

3)用bb油搓熱雙手輕輕用手指係腹部順時針打圈圈幫助腸部蠕動。

4)郁動多啲做多啲運動都幫到腸部蠕動咖!

如果已上種種方法都唔得或者持續便秘就記得一定要問問醫生啦!

祝大家BB都便便暢通!

==============================

Text :僑蛋媽

PhotosShutterstock

Follow Instagram: mami.presslogic


Share to Facebook