【每天成長一點點 BB終於成功戒啜手指】

【每天成長一點點 BB終於成功戒啜手指】

Bloggers 專欄媽媽心事親子相處
By Mimi JW on 24 Dec 2018

心怡由4個月左右開始睡前啜手指,日間時間佢唔會啜,只會在攰到想訓嘅moment先啜左手,按撫自己冷靜落嚟。直到現在20個月,歷時近16個月,佢細個D嘅時候都認同啜手指係可以對佢身心有好嘅發展。

啜手指黎講,我主要擔心係影響到牙齒生長同手指變形,所以有SET左個時間俾自己同心怡,就係2歲前後就要盡戒。盡管旁人的不理解 (不停咁問點解俾佢啜?俾佢啜奶嘴啦,奶嘴好d! 點解唔戒?強逼唔好俾佢啜啦!),相信他朝有日時機一到都會成功戒到,只係遲早嘅事姐。

shutterstock_315594425

喺佢歲半咁上下,其實佢門牙同旁邊2隻都出晒,但係排位係前後腳咁,好似有大半隻收埋左喺門牙後面。另外佢隻手指已經咬到起”枕”,指甲有少少壓扁。差唔多時候開始慢慢試用唔同方法協助佢嘗試戒啜,方法有軟有硬,包括真係俾個奶嘴佢啜,但個衰豬咬咬下會成個放晒入口當食物咁玩;嘗試講故事方法洗佢腦;畫公仔落佢手指公,話係DADDY黎架, 唔可以咬佢之類;後來買左支聞說好WORK 嘅超苦手指膏,再配合埋用蟲蟲鐘意聞口水味會咬佢手指後變苦,佢有一刻係唔敢啜,但之後勇於挑戰去啜,食到苦味話「苦苦」,忍左陣唔啜。我仲妄想以為咁就成功?最後頂唔緊克服埋苦味啜番!亦有試過強行掹走佢隻寶貝手指同埋拉住佢隻手唔俾佢啜,慘過鬧佢!   諗諗下,其實我地都習慣左佢俾嘅呢種Signal,同埋佢只係想訓先啜手,快速冷靜到自己,培養覺豬。所以…半佛系咁等緣份到!!

呢個機緣終於喺上個星期六非常偶然嘅情況下來臨,當時心怡啜緊手指,突然同時打乞痴,唔小心咬到自己親愛的手指公話好痛,跟住阿媽我打蛇隨棍上叫佢唔好再啜,牙齒會再咬到好痛架!呢種痛佢好深刻下…. 結果心怡當晚臨訓前記得話唔好啜手指!!  講得出做得到!!! 喺第2日午覺同夜晚都無啜訓

佢每當想訓或攰有爭扎過,但記起好痛就真係無放入口,仲話我聽:唔好啜手指啦!我話不如攬公仔啦, 攬被被啦, 佢都麻麻地。

shutterstock_633353303

見心怡有刻意將手指放遠D離開D個口,想啜就摸枕頭套或者左碌右碌一陣,好厲害,好可愛!!  見仍囉囉攣爭札時,阿媽我唔知可以做到咩,只有扮演親愛嘅手指一直陪住心怡,鼓勵佢,讚佢嘅努力!!

直到今晚已經係成功戒啜手指第5晚,連半夜有時見佢轉身郁都無啜手指。阿媽見證住你呢5日嘅囉囉攣成功克服到困難,認真PROD OF YOU AND LOVE YOU!!

摸枕頭套代替啜手按撫入睡

==============================

TextMimi JW

PhotosMimi JW & Shutterstock

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: mami@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: mami.presslogic


Share to Facebook