【作小產記  全家都被妹妹嚇壞了】

【作小產記 全家都被妹妹嚇壞了】

Bloggers 專欄孕媽專區媽媽心事
By 駿琳mama on 31 Dec 2018

2018。08。07  《31wks3》,在產房的2晚,令我畢生難忘。

當天3:30pm午睡後,肚子突然出現宮縮嚴重得肚子實了大約4小時都沒有放鬆過,痛到連腰都痛起來。
7:30pm,終於有家人來幫忙湊駿B。就急急上醫院(因過了22週或以上就要直到產房處理)去進產房後,姑娘問完情況便急急被推到房間作檢查。當時連老公都不可在場,得自己一個去面對,係超級超級驚﹗

shutterstock_772607053
護士們幫我駁晒儀器聽宮縮同BB既心跳,醫生黎到就做埋下身檢查(睇下有冇見紅、穿水、攞組織去種菌)做埋肚超同陰超確定BB情況。
首先要食了4粒抗宮縮藥。相隔三十分鐘,再食4粒。目的是希望BB不要被收縮的子宮推出來 ,能留在肚內多一點時間。
終於差唔多10pm,要打第一支強肺針。因為醫生說只有31週既BB,肺部有機會未完成發育,出生時就不懂自行呼吸。強肺針一共要打2支,抗宮縮藥就是BUY TIME。
當晚,根本徹夜難眠。仲要突然發燒,所有野要轉為靜脈注射,打抗生素,抽血睇住肝腎功能有冇問題。
當晚不是心跳機嚮,就是我的血壓機嚮,一係就落藥機響。後來才知道,抗宮縮藥原來是降血壓藥,會令人心跳加速。還說如果在打晒強肺針同宮縮藥完成後,宮縮情況沒有減弱的話,必要時就停藥,讓妹妹出生。
妹妹當時體重只有1.9kg,出生會有很多問題,有需要住養氣箱,ICU/加護病房。醫院已經要我簽晒所有文件見埋兒科醫生配埋血standby,妹妹隨時出世用。我當然希望能完成整個療程,所以心裏不斷跟妹妹說:「要乖乖,向媽咪個肚到住到足月先出黎見面。要撐住」shutterstock_272945813
第2日,悶得發慌。因為仲向產房冇得用電話(要借醫院電話用),探病時間除了老公,其他人一概不能前來。全日不停一有時間間就訓(1個鐘拍醒抽血,1個鐘量血壓一係就打針,如果隔離房有媽媽生緊,我這邊晚燈又開了)不停只會聽到姑娘同媽媽講唔好要嗌,留番啲力啦。1..2..3用力。。。推。。。全晚冇訓過,去到當天晚上10時再打第二支針。(第2晚被禁食,只可飲少量既水)每2小時只有10ml水。
終於去到第3日既早上差唔多10時,所有既藥都打晒,見左醫生,問左好多好多次有冇肚痛,燒都退晒。好消息黎喇,可以安排上番產前病房觀察喇。
終於可以食野,終於可以有番晚訓番好。今日早上見左醫生仲批埋可以出院,終於可以回家見駿哥哥。

==============================

Text:駿琳mama

Photos:駿琳mama & Shutterstock

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: mami@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: mami.presslogic


產小作

Share to Facebook