【今次真係黎真 的士司機都驚驚】

【今次真係黎真 的士司機都驚驚】

Bloggers 專欄
By 駿琳mama on 07 Jan 2019

妹妹都就黎3個月大喇,仲趁住有記憶好好回顧一下。


2018.10.10 40週4
臨天光個肚開始攣攣下,想訓又訓唔到。就淨心再諗會唔會係宮縮,就用app計下。計左差唔多1個鐘,開始頻密左。大約15分鐘痛一痛。
於是乎拍醒老公:「唔知今次係唔係。。。真」
擾攘左一大輪,又諗緊駿哥哥比邊個湊好。打比公公先,公公剛收工回家。
我:「可能要幫手湊駿駿,應該今次真係。」
公公:「好,向邊等。就西鐵站喇!」
我:「叫爸爸推B車過黎同駿番去屋企(娘家)」
電話掛斷了,又臨急臨忙,執好晒駿哥哥既走佬袋比爸爸,帶駿駿去西鐵站。快⋯⋯
就趁呢個時間,拿拿臨沖過涼。爸爸番到黎就即係執晒走佬袋落街截的士去醫院。野都冇食。
個段時間係番工番學時間,截車都用左一段時間。加上住既屋苑甚少的士,多數都要call車。
終於都上到車喇,個肚又痛得密左,仲開始大痛起黎。而家的士多數都有cam影住(諗番起都覺得勁樣衰)
的士大佬心諗:唔好向到生呀…
當時的士大佬一見條路順左,就揸得超快。計計埋埋大約半個中左右,終於都到醫院。

入到產房,有姐姐同我換衫,邊駁機邊有姑娘問症(幾時預產期,有冇見紅,穿水,幾時開始痛),我已經痛到唔識答。
有姑娘睇番牌版都知前2日都入過黎(但循例都要問)有姑娘伸手檢查已經開左兩指(兩度)啦!老公可以陪產啦!每大約幾個字又有姑娘入黎再問情況。
等緊期間,老公仲望住部胎心機,同我讀宮縮個數字從0上到20,10秒之內個數字去到50然後再到100。又慢慢落番0喇,不停重覆宮縮數N次。我忍唔住瞪大眼望住佢,夠喇!唔好再講喇!
佢地入左黎幾次,見到我痛到死死下,又亂叫又亂郁。話不如比你揀止痛方法止痛啦。我一口拒絕左(因為生駿哥哥時打過止痛針同笑氣)都只止唔到痛既。心諗不如痛痛快快甘生完就算。我望住個鐘比自己痛多5分鐘,真係頂唔順就打啦。

15468387522935794

姑娘:「打就要快喇,過左時間就冇架喇。」

痛。。痛。。痛。5分鐘過左,叫老公同姑娘講打針係大脾打左支止痛針 打完即暈 ,係舒緩左少少(大約半個中)。但係又再好痛好痛急屎既感覺,又黎但因為未開夠度數,不可以用力,更不可以,我痛到要用埋止痛機,真係好痛開到最大喇。
姑娘:「痛到甘,你邊用機邊聞笑氣啦。」聞到wing wing 地。除之一連串既野開始發生!
突然間我穿左水,好清脆「噗」一聲之後一陣暖流湧左出來,好似爆氣球甘。老公即通知姑娘。
資深護師同助產士都好緊張,成班人走過黎向我面前伸手入去一check,宮頸已開晒。
生喇,生喇。快啲,快啲。唔係叫我(係同助產士姑娘講)邊拆床,邊開set。
姑娘:「大叫冷靜D,太太。一陣有痛就出力痾,腳踩住腳踏 手就揸實用力柯 就得架喇,唔好亂甘用力會整到架。」
好!黎喇,開始喇!雙腳不由自主地撐來撐去,這個時候,「笑氣」已經不是太幫到我了。頂硬上,每柯完一次聞一次,已經失晒控。總共柯左大約3下,個人好暈同無力。
姑娘:「好喇,差唔多喇,柯多1次就得喇,乖!大大力既柯。」
亞女向第5下終於比我柯左出黎喇。
個人向濛濛濃濃終於聲到妹妹既喊聲喇。
姑娘:「報數11:xx 出世,女仔,x.xxkg。恭喜晒。」
好戲在後頭,生完妹妹仲有個胎盤柯出黎,救命。
好彩冇剪但柯到損左要聯針 笑氣又要出動。聯呀聯。。終於見姑娘執野數番晒啲棉花數用具數。亦都抱番妹妹比我親密接觸喇。
最後影埋全家福。
成個個程歷時大約3個鐘老公隻手佈滿左我既指甲印。多謝老公比隻手我。

後記:番到上產後房仲食咩嘔咩(空肚生B聞太多笑氣既後果),所以提醒大家生產前幾痛都好一定要食野。

註解:
柯(「柯」是指「推個BB出來」)

下回會講番未生產前既入院待產篇

==============================

Text & Photos:駿琳Mama

【誠徵Bloggers!】想分享你的懷孕及育兒日常?請將投稿連同約40字個人簡介和近照一張,電郵到: mami@presslogic.com,我們會幫你開設個人專欄,文章經編輯部潤飾後更有機會刊登在FB專頁,快點踴躍投稿吧!

Follow Instagram: mami.presslogic


Share to Facebook