解開孕媽媽夢境之謎 調整懷孕情緒同健康

解開孕媽媽夢境之謎 調整懷孕情緒同健康

媽媽日常須知媽媽心事
By PressLogic on 10 Jan 2019

瞓覺發夢其實係一般人嘅生理現象,唔同嘅夢境都可能有佢寓意。調整發現,原來孕媽媽發惡夢嘅機會係同普通女性高出2.5倍。原來有關BB嘅夢,某程度反映媽媽個人情緒,了解夢中意思,可能可以幫助自己調整懷孕情緒同健康,一齊參考夢中嘅箇中玄機!

shutterstock_633690674

1.突然小產

孕媽媽發夢小產可能係因為太憂慮BB健康,又有可能準媽媽未有足夠心理準備下懷孕,安全感極低,建議重整自己懷孕心態,唔好過份擔心未知事情,一切處之泰然,盡咗力就得喇!

2.老公變BB

發夢老公變咗BB,可能因為現實覺得寂寞,孤軍作戰,認為老公無好好同自己一齊經歷依段懷孕時期,希望老公可以感同身受,多啲參與懷孕會面對嘅困難;又或者係擔心老公未能適應新生活,唔識照顧BB。

shutterstock_1097018687

3.回復舊有生活 無陀BB

孕媽媽發夢自己變返「女兒身」,可能因為孕媽媽本身怕生完BB後,會打亂原先生活,擔心自己從此會失去「自由」,所以夢境就會呈現自己舊有生活,係渴望自由嘅意思。

4.生咗對孖

孕媽媽夢見自己生咗對孖BB,可能係因為唔想經歷兩次生產,或者係同時又覺得生一個BB唔夠圓滿,喺處於一個矛盾心情。

5.BB變咗動物

發夢生出嚟嘅BB變咗動物,可能因為母性關係影響,你希望自己可以保護到BB,同時擔心BB無法自己照顧自己,可以留意返BB變咗咩動物,動物嘅特徵可能代表你對BB嘅期望。

shutterstock_534225538

6.BB突然變大人

夢見BB突然長大成人,可能係媽媽擔心BB健康狀況,怕BB唔可以健康成長,但又同時覺得自己對BB健康嘅事無能為力,所以祈求BB快啲大嗰,唔洗再令自己擔憂。

7.BB同自己講嘢

發夢BB同自己講嘢可能係因為孕媽媽內心嘅獨白,若內容係悲傷,可解作媽媽未處理好自己情緒,擔心自己影響BB,渴望身邊嘅人明白自己,甚至想尋求幫助。

shutterstock_496238695

8.BB變成明星

夢到BB突然變成星光熠熠嘅明星,可能代表媽媽你已經認定BB係生命中最種要嘅人,你已經幾乎將全副精神放落BB身上,希望BB會得到最好,但切記過份畀壓力自己,因為夢境也可解作,因為自己嘅不足,希望BB可以與眾不同,唔洗同自己一樣。

夢境發生嘅事可以幫助自己深入了解內心世界,而且可以透過平日抑壓嘅情緒喺夢境釋放出嚟。可以嘗試透過夢了解一下自己,可能可以幫助改善實際生活呀!

Text:Mami Editorial

Photos:Shutterstock

Sources:Dream Moods & Mama Natural

Follow Instagram: mami.presslogic


Share to Facebook